ఈ విషయంపై ఎప్పటికప్పుడు విద్యార్ధులతో ఆన్‌లైన్‌లో సమావేశమై చర్చించారు. విద్యార్ధుల తల్లిదండ్రులతో కూడా లోకేష్ మాట్లాడుతూ వచ్చారు. మెజారిటీ విద్యార్ధులు, వారి తల్లిదండ్రులు సైతం పరీక్షలని రద్దు చేస్తేనే బాగుంటుందనే అభిప్రాయంలో ఉన్నారు. కానీ లోకేష్ దీనిపై పోరాటం చేస్తున్నారని అనుకున్నారో లేక నిజంగా పిల్లల భవిష్యత్ బాగుండాలనే చేశారో తెలియదు గానీ జగన్ ప్రభుత్వం పరీక్షల నిర్వహణకే మొగ్గుచూపింది.

అయితే సుప్రీం కోర్టు పరీక్షల విషయంలో ఏపీ ప్రభుత్వాన్ని గట్టిగా హెచ్చరించింది. అలాగే జూలై నెలాఖరులోపు మొత్తం ప్రక్రియని పూర్తి చేయాలని ఆదేశాలు జారీ చేసింది. దీంతో పరీక్షల నిర్వహణకు సరైన సమయం లేదని చెప్పి, పరీక్షలని రద్దు చేసింది. అంటే సుప్రీం ఆదేశాలతో కోర్టు దిగొచ్చింది. కానీ ఈ అంశాన్ని టీడీపీ నేతలు బాగానే వాడుకుంటున్నారు. లోకేష్ పోరాటం వల్లే ఏపీ ప్రభుత్వం దిగొచ్చిందనే విధంగా హడావిడి చేసేస్తున్నారు. టి‌ఎన్‌ఎస్‌ఎఫ్ నాయకులైతే లోకేష్ ఫోటోకు పాలాభిషేకం కూడా చేసేస్తున్నారు.

విద్యార్ధులకు నిజమైన మేనమామ లోకేష్ మాత్రమే అని అంటున్నారు. జగన్ మెంటల్ మేనమామ అని విమర్శిస్తున్నారు. అయితే సుప్రీం ఇచ్చిన తీర్పుతోనే వెనక్కి తగ్గుతున్నట్లు ఏపీ ప్రభుత్వం చెప్పింది. కానీ టీడీపీ నేతలు మాత్రం లోకేష్‌ని పైకి లేపేస్తున్నారు. ఏదేమైనా చేయని పనులకు క్రెడిట్ దక్కించుకోవడం టీడీపీ నేతలకే చెల్లుతుందని వైసీపీ శ్రేణులు కౌంటర్లు వేస్తున్నాయి.