ఇటీవల తెలంగాణ ప్రభుత్వం సంపూర్ణంగా లాక్ డౌన్ ఎత్తివేయడంతో టాలీవుడ్ స్టార్ హీరోలందరూ తమ చిత్రాల షూటింగ్స్ పునః ప్రారంభించారు. నాని కూడా షూటింగ్ విషయంలో ఏమాత్రం ఆలస్యం చేయకూడదని భావించి వెంటనే "శ్యామ్‌ సింగరాయ్" ఫైనల్ షెడ్యూల్ స్టార్ట్ చేశారు. అయితే పోస్ట్ ప్రొడక్షన్ పనులు పూర్తి చేసేందుకు కూడా సమయం కావాల్సి ఉండగా.. నాని ఫైనల్ షూట్ ని సింగిల్ షెడ్యూల్ లో త్వరితగతిన పూర్తి చేయాలని భావిస్తున్నారు.

ఇకపోతే శ్యామ్‌ సింగరాయ్ సినిమా కోల్‌కతా బ్యాక్ డ్రాప్ తో తెరకెక్కనుండగా.. ఆర్ట్ డైరెక్టర్ అవినాశ్ కొల్ల హైదరాబాద్‌లోని పది ఎకరాల భూమిలో ఆరు కోట్ల ఖర్చుతో కోల్‌కతా సెట్ నిర్మించారు. దురదృష్టవశాత్తూ వర్షాల కారణంగా కోల్‌కతా సెట్ డామేజ్ అయ్యిందని సమాచారం. దీంతో మళ్లీ సెట్ నిర్మించారని తెలుస్తోంది. ఈ పిరియాడికల్ చిత్రంలో సాయి పల్లవి, కృతి శెట్టి నటిస్తుండటంతో అభిమానుల్లో భారీ అంచనాలు నెలకొన్నాయి. ఈ సినిమాకి సంబంధించిన ఫస్ట్ లుక్ కూడా అభిమానుల అంచనాలను పెంచేసింది. మరి ఈ విభిన్న కథా చిత్రం నాని కి భారీ బ్లాక్ బస్టర్ హిట్ ఇస్తుందో లేదో చూడాలి.