విజయవాడ నగరంలో రోజురోజుకు అక్రమ నిర్మాణాలు పెరిగిపోతున్నాయని పేర్కొన్న మహేష్ కార్పొరేషన్ ఖజానాకు చెల్లించాల్సిన రుసుము చెల్లించకుండా నగర అభివృద్ధికి అక్రమార్కులు అడుగడుగునా అడ్డు పడుతున్నారని విమర్శించారు. కొందరు అవినీతిపరులైన అధికారులు అక్రమ నిర్మాణాలు యథేచ్ఛగా ప్రోత్సహిస్తూ డబ్బులు దండుకుంటున్నారు అని చెప్పుకొచ్చారు. మరీ ముఖ్యంగా పశ్చిమ నియోజకవర్గంలో ఎక్కడ చూసినా అనధికార నిర్మాణాలు యథేచ్ఛగా జరుగుతున్నాయని అధికారులు అవినీతికి సహకరిస్తున్నారేమో అని అనుమానం కలుగుతోందని పేర్కొన్నారు. నివాస భవనానికి అనుమతులు పొంది కమర్షియల్ నిర్మాణాలు చేస్తున్నారని అందుకే టౌన్ ప్లానింగ్ విభాగానికి చెందిన అధికారులు ఈ అనధికార నిర్మాణాలపై దృష్టి సారించి నియంత్రించాలని ఆయన లేఖలో పేర్కొన్నారు.. 

కార్పొరేషన్ ద్వారా సక్రమంగా అనుమతులు పొందితే ఆదాయం వస్తుందని కానీ అలాంటి వారికి నిబంధనల పేరుతో అనుమతి ఇవ్వడం లేదని పేర్కొన్నారు. కేవలం దళారుల ద్వారా అడ్డదారుల్లో దరఖాస్తు చేస్తే మాత్రమే అనుమతి ఇస్తున్నారని మిగతా వాళ్లకు అనుమతి ఇవ్వడం లేదని చెబుతున్నారు. వార్డు వాలంటీర్లు యాక్టివ్ గా ఉండి అనుమతులు లేకుండా అక్రమంగా నిర్మాణాలు చేస్తున్న అన్ని భవనాలను నిలిపివేసేలా చూడాలని ఆయన కోరారు. అవినీతికి సహకరించే అధికారులపై కఠినమైన చర్యలు తీసుకోవాలని కూడా ఆయన కోరారు. ఇక ఆయన లేఖల పై స్పందించిన ఉన్నతాధికారులు, అక్రమ నిర్మాణాలపై చర్యలు తీసుకోవాలని ఆదేశాలు జారీ చేశారు.