80 వేల క్యూసెక్కులైనా సరే రాయలసీమకు  తీసుకోవాలని కేసీఆర్ చెప్పారని తక్కువ సమయంలో ఎక్కువ నీరు రాయలసీమ  లిఫ్ట్ చేయాలని చెప్పారని అన్నారు. రాయలసీమకు నీరు అందేలా చేయడంలో  రెండు అడుగులు ముందుంటానని కేసీఆర్ కూడా గతంలో చెప్పారని గుర్తు చేశారు. వరద జలాలు ఒడిసి పట్టేందుకు ,కాలువలను వెడల్పు చేస్తున్నామన్న ఆయన కృష్ణా నదిలో రాష్ట్రానికి కేటాయించిన నీటినే మేము తీసుకుంటున్నామని అన్నారు. ఇక 800 అడుగుల కంటే తెలంగాణ నీరు తీసుకుంటుండటంతో గతంలో జగన్ జలదీక్ష చేశారని కూడా గుర్తు చేశారు. 

ఇప్పుడు కూడా  కృష్ణాలో 800 అడుగుల లోపే తెలంగాణ నీటిని పంపింగ్ చేస్తోందని పేర్కొన్న ఆయన నీటి వినియోగంపై  కేంద్రం నుంచి మానిటరింగ్ టీమ్ పెట్టినా ఇబ్బంది లేదని పేర్కొన్నారు. పరుషంగా మాట్లాడటం వల్ల ఏ సమస్యా పరిష్కారం కాదని, నీటి సమస్య పరిష్కరించేలా సీఎం జగన్ చర్యలు తీసుకుంటున్నారని అన్నారు. ఇక ఈ సమస్య పరిష్కారం కోసం తెలంగాణ సీఎం కేసీఆర్ తో  కూర్చుని చర్చించేందుకు సీఎం వైఎస్ జగన్  సిద్దమని అన్నారు. ఇక పెట్రోల్ డీజిల్ పెంపు  కేంద్ర ప్రభుత్వ పరిధిలో ఉంటుందన్న ఆయన రఘురామ కృష్ణ రాజు అనే కేరెక్టర్లను తయారు చేసి ప్రభుత్వంపై విమర్శలు చేయిస్తున్నారని అన్నారు. ఇక త్వరలోనే ఆయన మీద చర్యలు తీసుకునే అవకాశం ఉందని సజ్జల పేర్కొన్నారు.