നെടുമങ്ങാട് യുവമോര്‍ച്ച നേതാവ് 
സിപിഐ എമ്മിനൊപ്പം

നെടുമങ്ങാട്  > യുവമോര്‍ച്ച നേതാവ് സംഘടനയില്‍നിന്നും ബിജെപി അംഗത്വത്തില്‍നിന്നും രാജിവച്ച് കുടുംബസമേതം സിപിഐ എമ്മിനൊപ്പം. കര്‍ഷക മോര്‍ച്ച ജില്ലാ ഘടകത്തിലെ അംഗവും വെമ്പായം പഞ്ചായത്ത്‌ സെക്രട്ടറിയുമായ വേറ്റിനാട് ജയകുമാറും കുടുംബവുമാണ് സിപിഐ എമ്മുമായി സഹകരിക്കാൻ തീരുമാനിച്ചത്.

 

സിപിഐ എം വെമ്പായം ലോക്കല്‍ കമ്മിറ്റി ജയകുമാറിന്‌ സ്വീകരണം നല്‍കി. ഏരിയ സെക്രട്ടറി അഡ്വ. ആര്‍ ജയദേവന്‍ പതാക കൈമാറി ജയകുമാറിനെ സ്വീകരിച്ചു. ലോക്കല്‍ സെക്രട്ടറി ജി പുഷ്പരാജന്‍ അധ്യക്ഷനായി. ജില്ലാ പഞ്ചായത്ത് അംഗം കെ വി ശ്രീകാന്ത്, എസ് കെ ബിജുകുമാര്‍, എ എം ഫറൂഖ്, വി നാരായണന്‍ നായര്‍, എ നൗഷാദ്, എം സതീശന്‍, എസ്എസ് സുനില്‍കുമാര്‍, ആര്‍ കെ സുനില്‍കുമാര്‍, എം കാര്‍ത്തികേയന്‍, രാജേഷ് കണ്ണന്‍, സന്തോഷ്‌കുമാര്‍ എന്നിവര്‍ പങ്കെടുത്തു.