కానీ ఎప్పుడైతే పార్టీ అధికారం కోల్పోయిందో అప్పటినుంచి రాజు వాయిస్ బలంగా వినిపిస్తోంది. జగన్ దెబ్బకు సీనియర్లు అందరూ సైడ్ అయిపోయినా సరే, పార్టీ తరుపున రాజు నిలబడి తన గళాన్ని గట్టిగా వినిపిస్తున్నారు. చాలా రోజుల నుంచి పార్టీలో దూకుడుగా పనిచేస్తున్నారు. తమ అధినాయకుడు చంద్రబాబుపై ప్రత్యర్ధులు విమర్శలు చేస్తే వెంటనే వారికి కౌంటర్లు ఇచ్చే ప్రయత్నం చేస్తున్నారు.

తాజాగా కూడా మంత్రి కొడాలి నాని, నారా లోకేష్‌పై తీవ్ర వ్యాఖ్యలు చేసిన విషయం తెలిసిందే. దీంతో నానికి ఎం‌ఎస్ రాజు తనదైన శైలిలో కౌంటర్లు ఇచ్చారు. ఒకరకంగా చెప్పాలంటే పరుష పదజాలం వాడుతూ, నానిపై విరుచుకుపడ్డారు. ఇటు పార్టీ పరంగా కూడా రాజు యాక్టివ్‌గా పనిచేస్తున్నారు. టీడీపీకి ఎస్సీల మద్ధతు మరింత పెంచేందుకు కష్టపడుతున్నారు. ఇలా కష్టపడుతున్న ఈ యువ నేత...రాబోయే ఎన్నికల్లో శింగనమల సీటు ఆశిస్తున్నట్లు తెలుస్తోంది.

గత ఎన్నికల్లోనే ఆ సీటు కోసం రాజు ప్రయత్నించారు. కానీ చంద్రబాబు మాత్రం ఆ సీటుని బండారు శ్రావణికి ఇచ్చారు. అప్పుడు సిట్టింగ్ ఎమ్మెల్యేగా ఉన్న యామిని బాలని పక్కనబెట్టి, జేసీ ఫ్యామిలీ సపోర్ట్ ఉన్న శ్రావణికి సీటు ఇచ్చారు. కానీ జగన్ వేవ్‌లో శ్రావణి ఘోరంగా ఓడిపోయారు. ఓడిపోయినా సరే నియోజకవర్గంలో యాక్టివ్‌గా పనిచేస్తున్నారు. నెక్స్ట్ ఎన్నికల్లో ఎలాగైనా గెలవాలనే పట్టుదలతో ఉన్నారు. ఇలా యాక్టివ్‌గా ఉన్న శ్రావణిని కాదని రాజుకు నెక్స్ట్ ఎన్నికల్లో శింగనమల టికెట్ ఇవ్వడం కష్టమే. పైగా శ్రావణికి జేసీ ఫ్యామిలీ సపోర్ట్ ఉంది. కాబట్టి శ్రావణికి రాజు చెక్ పెట్టడం కష్టమే.