మొండితనంతో 15 లక్షల మంది విద్యార్థుల జీవితాలతో ఆటలాడటం ప్రభుత్వానికి తగదని పేర్కొన్న ఆయన దేశమంతా ఒక దారిలో వెళ్తుంటే అందుకు విరుద్ధంగా జగన్ రెడ్డి వైఖరి సరికాదని అన్నారు. విద్యార్థులు, తల్లిదండ్రులు,ఉపాధ్యాయుల్లో నెలకొన్న ఆందోళనని దృష్ట్యా తక్షణమే పరీక్షలు రద్దు చెయ్యాలని డిమాండ్ చేసిన ఆయన పరీక్షలు రద్దు నిర్ణయాన్ని వెంటనే అఫిడవిట్ ద్వారా సుప్రీంకోర్టుకు తెలపాలని అన్నారు. పరీక్షల రద్దుకు మద్దతు తెలిపిన దాదాపు 7 లక్షల మంది అభిప్రాయాలను ముఖ్యమంత్రి, గవర్నర్ దృష్టికి తీసుకెళ్లినా ఉపయోగం లేకుండా పోయిందని ఆయన ఆవేదన వ్యక్తం చేశారు. 

ఒక్క విద్యార్థి ప్రాణానికి ముప్పు వాటిల్లినా జగన్ రెడ్డిదే బాధ్యతే, దానిని ప్రభుత్వ హత్యగానే పరిగణిస్తామని ఆయన అన్నారు. పరీక్షల రద్దుపై నిర్ణయం తీసుకోకుంటే మరింతగా ఉద్యమిస్తామని అన్నారు. ఇక ఆదిమూలపు సురేష్ విద్యాశాఖ మంత్రిగా ఉన్నారో లేక గందరగోళ శాఖకు మంత్రిగా ఉన్నారో అర్థం కావట్లేదని, హైకోర్టు, సుప్రీంకోర్టు చెప్పినా ఇగోకి బ్రాండ్ అంబాసిడర్ లా వ్యవహరిస్తున్న జగన్ రెడ్డికి పరీక్షలు రద్దు చేసేందుకు మనస్సు రావట్లేదని విమర్శించారు. ఎవరెన్ని చెప్పినా పరీక్షలు పెట్టి ప్రాణాలు తీస్తానంటూ మెంటల్ మామలా జగన్ రెడ్డి వ్యవహరిస్తున్నారని అన్నారు.