అలాగే ఆవేశంగా జగన్‌ని పరుష పదజాలంతో దూషించారు. ఇలా చినబాబు మాట్లాడక, వైసీపీ నేతలు ఎందుకు ఆగుతారు. వారు కూడా తమదైన శైలిలో బూతులు అందుకున్నారు. చినబాబుని బండబూతులు తిట్టారు. మళ్ళీ వారికి టీడీపీ నేతలు కౌంటర్లు ఇచ్చే ప్రయత్నం చేశారు. ఈ క్రమంలోనే చంద్రబాబుకు భక్తుడు అని గతంలో ప్రకటించుకున్న టీడీపీ నేత బుద్దా వెంకన్న ఈ అంశంపై స్పందిస్తూ, లోకేష్ ఏదో అన్నాడని తిట్టడం కరెక్ట్ కాదని, తమ కార్యకర్తలని హత్య చేశారనే ఆవేశంలో లోకేష్ అలా మాట్లాడారు తప్ప, జగన్ మాదిరిగా వ్యక్తిగత దూషణలకు దిగలేదని చెప్పారు.

అంటే లోకేష్ ఇక్కడ ఆవేశంలో ఏదో మాట్లాడేశారని బుద్దా కాస్త తప్పుని సరిదిద్దే ప్రయత్నం చేశారని చెప్పొచ్చు. అంటే చినబాబు మాట్లాడింది తప్పే అని పరోక్షంగా చెప్పారు. అదే సమయంలో జగన్ వ్యక్తిగత దూషణలు చేశారని విమర్శించారు. అయితే ఆవేశంలో ఉన్నా లేకపోయినా రాజకీయాల్లో విమర్శలనేవి నిర్మాణాత్మకంగా ఉండాలి. అలా లేకపోతే ప్రజలే నాయకులని తిరస్కరిస్తారు.

అదే సమయంలో జగన్ సైతం వ్యక్తిగతంగా పరుష పదజాలం వాడుతూ ఏ నాయకుడుపైన విమర్శలు చేయలేదు. ఏదైనా రాజకీయంగానే మాట్లాడారు గానీ, వ్యక్తిగత దూషణలైతే చేయలేదని వైసీపీ శ్రేణులు చెబుతున్నాయి. కానీ నారా లోకేష్ ఎలా మాట్లాడారో అంతా చూశారని చెబుతున్నారు. అప్పుడు ఆవేశంగా మాట్లాడి తప్పు చేశారని చెప్పి, ఇప్పుడు ఆ తప్పుని బుద్దా సరిదిద్దే ప్రయత్నం చేశారని అంటున్నారు. ఏదేమైనా రాజకీయాల్లో బూతులు మాట్లాడటం, వ్యక్తిగత దూషణలకు దిగడం అనేది సరికాదు.