అయితే ఇక్కడ టాలీవుడ్ వాడుతున్న మంత్రం ఏమిటంటే ఒక సినిమాని ఒక పార్ట్ గా మాత్రమే కాకుండా రెండు పార్టులుగా విడుదల చేయటం. దీంతో రెండు సార్లు మంచి ఓపెనింగ్ కలెక్షన్స్ వస్తే చాలు ఆ సినిమా సేఫ్ అయినట్లే. బాహుబలి సినిమా ఈ ట్రెండ్ ను మొదలు పెట్టింది అని చెప్పవచ్చు. రాజమౌళి దర్శకత్వంలో ప్రభాస్ నటించిన ఈ సినిమా ఇద్దరినీ పాన్ ఇండియా స్టార్ లు గా మార్చింది. అయితే ఏ ముహూర్తాన బాహుబలి 2 పార్టులుగా విడుదల అయిందో అప్పటినుంచి పాన్ ఇండియా సినిమాలు వచ్చే దాదాపు సినిమాలన్నీ రెండు పార్ట్ లు గా విడుదల అవడం మొదలైంది.

కే జి ఎఫ్ సినిమా మొదటి పార్ట్ విడుదల కాగా ప్రస్తుతం రెండవ పార్ట్ త్వరలో ప్రేక్షకుల ముందుకు రాబోతోంది ఈ సినిమా మొదటి పార్ట్ కూడా ఎంతో ఆసక్తికరంగా ముగియగా, సెకండ్ పార్ట్ పై భారీ అంచనాలు నెలకొన్నాయి. సుకుమార్ తో అల్లు అర్జున్ కాంబోలో వస్తున్న పుష్ప చిత్రాన్ని కూడా రెండు భాగాలుగా చేశారని టాక్ వినిపిస్తోంది. ఇదే కాకుండా ప్రభాస్ నటిస్తున్న మరో సినిమా కూడా రెండు పార్ట్ లుగా రాబోతుందట. ప్రశాంత్ నీల్ దర్శకత్వంలో ప్రభాస్ నటిస్తున్న సినిమా రెండు పార్టులుగా వస్తుందని అంటున్నారు. మొత్తంగా రెండు పార్ట్ ల ట్రెండ్ మాత్రం మెల్లమెల్లగా ఊపందుకుంటుంది. రెండు పార్ట్ లు చేస్తే ఇబ్బంది లేదు కానీ అందరికీ ఆ స్థాయిలో కథ కుదరాలి. అది చూసుకోకుండా కేవలం ట్రెండ్ కోసమే చేస్తే సినిమా ఫ్లాప్ గా నిలుస్తుంది అనడంలో ఎలాంటి సందేహం లేదు.