అయితే ఈ బలాన్ని పవన్ కల్యాణ్ పెంచే ప్రయత్నాలు అసలు చేయడం లేదు. పైగా గత ఎన్నికల్లో అమలాపురం పార్లమెంట్ పరిధిలో జనసేనకు ఓట్లు బాగానే పడ్డాయి. అమలాపురం అసెంబ్లీలో 45వేల ఓట్లు, రామచంద్రాపురంలో 18 వేల ఓట్లు, పి.గన్నవరంలో 36 వేల ఓట్లు, ముమ్మిడివరంలో 33 వేల ఓట్లు, కొత్తపేటలో 35 వేల ఓట్లు, మండపేటలో 35 వేల ఓట్లు పడ్డాయి. ఇక రాజోలులో జనసేన తరుపున రాపాక వరప్రసాద్ విజయం సాధించారు. జనసేన నుంచి గెలిచిన రాపాక, తర్వాత వైసీపీ వైపుకు వెళ్ళిన విషయం తెలిసిందే.

ఆయన వైసీపీ వైపుకు వెళ్ళినా సరే రాజోలులో జనసేన బలంగానే ఉంది. సరైన నాయకుడుని మళ్ళీ సెట్ చేస్తే రాజోలులో జనసేనకు మంచి ఫ్యూచర్ ఉంటుంది. ఇక రామచంద్రాపురం తప్ప మిగిలిన అన్నీ నియోజకవర్గాల్లో జనసేనకు 30 వేలు పైనే ఓట్లు పడ్డాయి. అంటే ఈ నియోజకవర్గాల్లో టీడీపీకి దగ్గరగా జనసేన ఓట్లు తెచ్చుకుంది. ఇలాంటి నియోజకవర్గాలపై పవన్ దృష్టి పెట్టి, నాయకులని యాక్టివ్ చేస్తే నెక్స్ట్ ఎన్నికల్లో మంచి ఫలితాలు పొందటానికి ఛాన్స్ ఉంటుందని విశ్లేషకులు అభిప్రాయపడుతున్నారు.

అలా కాకుండా పార్టీని ఇప్పుడు గాలికొదిలేసి, మళ్ళీ ఎన్నికల ముందు హడావిడి చేస్తే ఉపయోగం ఉండదని అంటున్నారు. కాబట్టి ఇప్పటినుంచే పార్టీని గాడిలో పెడితే బెటర్ అని చెబుతున్నారు.