అయితే ఈ నాలుగు ప‌ద‌వుల కోసం చాలా మంది ఆశ‌లు పెట్టుకున్నారు. ఈ క్ర‌మంలోనే జ‌గ‌న్ బాబాయ్ , టీటీడీ చైర్మ‌న్ వైవి. సుబ్బా రెడ్డి సైతం రాజ్య‌స‌భ ప‌ద‌విపై ఆశ‌లు పెట్టుకున్నారు. 2014లోనే ఆయ‌న ఒంగోలు ఎంపీగా గెలిచారు. మొన్న ఎన్నిక‌ల్లో జ‌గ‌న్ సూచ‌న మేర‌కు త‌న సిట్టింగ్ ఎంపీ సీటును మాగుంట శ్రీనివాసుల రెడ్డి కోసం త్యాగం చేశారు. స‌రే జ‌గ‌న్ బాబాయిని పార్టీ అధికారంలోకి వ‌చ్చిన వెంట‌నే టీటీడీ చైర్మ‌న్‌ను చేశారు. కానీ ఆయ‌న‌కు ఆ ప‌ద‌వి ఎంత మాత్రం ఇష్టం లేద‌ని ప్ర‌చారం ముందు నుంచే ఉంది. సుబ్బారెడ్డి మ‌న‌సంతా ఢిల్లీ చుట్టూనే చ‌క్క‌ర్లు కొడుతోంద‌ట‌.

ఆయ‌న రాజ్య‌స‌భ కావాల‌ని ప‌ట్టుబ‌డుతున్నార‌ట‌. అయితే అది జ‌రిగే సూచ‌న‌లు లేవు. ఎందుకంటే ఖాళీ అవుతోన్న నాలుగు సీట్ల‌లో విజయసాయిరెడ్డి సీటు కూడా ఉంది. ఆయన్ని జగన్ వ‌దులుకోనూ లేరు.. అసలు కాదనలేరు. దాంతో మరోసారి విజ‌య‌సాయి రాజ్య‌స‌భ‌ రెన్యూవల్ ఖాయమని అంటున్నారు. రెడ్డి కోటాలో ఓ ప‌ద‌వి ఆయ‌న‌కు వెళితే.. మిగిలిన మూడు ప‌ద‌వులు ఇత‌ర సామాజిక వ‌ర్గాల నేత‌ల నుంచి భ‌ర్తీ చేస్తార‌ని అంటున్నారు. రెడ్ల‌కే రెండు ప‌ద‌వులు ఇస్తే వ్య‌తిరేక‌త వ‌స్తుంది. అందుకే విజ‌య‌సాయి కోసం జ‌గ‌న్ సుబ్బారెడ్డికి షాక్ ఇవ్వ‌డం ఖాయ‌మ‌నే టాక్ ?