ఈరోజు సీఎం కేసీఆర్ వరంగల్ జిల్లాలో పర్యటిస్తున్న సంగతి తెలిసిందే. ఉదయం 10:30 నిమిషాలకు హెలికాప్టర్ ద్వారా ఆర్ట్స్ కాలేజీ చేరుకోనున్న ఆయన 11:00 గంటలకు సెంట్రల్ జైలు ఆవరణలో 30 అంతస్తుల మల్టీ సూపర్ స్పెషాలిటీ ఆసుపత్రికి భూమిపూజ చేశారు. ఇక 11:35 నిమిషాలకు కాళోజి హెల్త్ యూనివర్సిటీ భవనం ప్రారంభించనున్నారు. 

ఆ తరువాత 12:10 నిమిషాలకు సమీకృత అర్బన్ జిల్లా కలెక్టరేట్  ప్రారంభించనున్నారు. ఆ తరువాత 2:40కి మాజీ ఉపముఖ్యమంత్రి కడియం శ్రీహరి ఇంట్లో భోజనం చేయనున్న సీఎం కేసీఆర్ తరువాత 3:15కి మళ్ళీ ఆర్ట్స్ కాలేజీకి చేరుకొని యాదాద్రికి వెళ్లనున్నారు. అయితే సీఎం కేసీఆర్ పర్యటన నేపథ్యంలో విపక్ష నాయకులను పోలీసులు అరెస్టు చేశారు. అలాగే చాలా మంది నేతలను హౌస్ అరెస్ట్ చేశారు. దీంతో ఈ అరెస్టుల అంశం మీద ప్రతిపక్ష నాయకులు ఆగ్రహం వ్యక్తం చేస్తున్నారు.