అటు బుద్దా-బోండాలు సైతం నానిపై విరుచుకుపడ్డారు. దీంతో చంద్రబాబు వారికి సర్దిచెప్పే ప్రయత్నం చేశారు. అలాగే శ్వేత, బోండా-బుద్దాలని కలిసి వారి మద్ధతు తీసుకున్నారు. అయితే అప్పటికే జరగాల్సిన డ్యామేజ్ జరిగిపోయింది. విజయవాడ కార్పొరేషన్‌లో టీడీపీ ఘోరంగా ఓడింది. ఈ ఎన్నికలయ్యాక అందరూ సైలెంట్ అయ్యారు. ఏదో విజయవాడ తూర్పు ఎమ్మెల్యే గద్దె రామ్మోహన్ ఒక్కరే పార్టీలో యాక్టివ్‌గా తిరిగారు. నాని, బుద్దా, బోండాలు సైలెంట్ అయిపోయారు.

ఇలా చాలారోజుల పాటు సైలెంట్‌గా ఉన్న బెజవాడ నాయకులు, మళ్ళీ యాక్టివ్ అయ్యారు. ఇటివలే బుద్దా ఎమ్మెల్సీ పదవీకాలం ముగిసింది. ఇక ఎమ్మెల్సీ లేకపోయిన టీడీపీకి నిజమైన కార్యకర్తగా పనిచేస్తానని చెప్పారు. అలాగే టీడీపీలో తనకు ఎవరితోనూ గొడవలు లేవని, కేశినేనితో విభేదాలు లేవని, అందరినీ సమన్వయం చేసుకుని పార్టీని ముందుకు తీసుకెళ్తామని, ప్రజా సమస్యలపై పోరాటం చేస్తామని చెప్పుకొచ్చారు.

ఇదే సమయంలో బెజవాడలో బోండా ఉమా యాక్టివ్‌గా పనిచేస్తున్నారు. అలాగే కేశినేని నాని సైతం మళ్ళీ బెజవాడ పోలిటికల్ స్క్రీన్‌పై కనిపించారు. విజయవాడలో కరోనా బాధితులకు సాయం చేశారు. అలాగే ప్రతిపక్షంలో ఉన్నా, తెలుగుదేశం ఎప్పుడు ప్రజల పక్షానే ఉంటుందని అన్నారు. వైసీపీని గెలిపిస్తే పన్నులు పెంచి ప్రజలని ఇబ్బంది పెడుతుందని, అయినా సరే ప్రజల తరుపున పోరాడతామని చెబుతున్నారు. ఇలా కేశినేని, బుద్దా, బోండాలు మళ్ళీ బెజవాడ పాలిటిక్స్‌లో యాక్టివ్ అయ్యారు. మొత్తానికైతే బెజవాడలో సైకిల్ కాస్త సెట్ అయినట్లే కనిపిస్తోంది.