మరీ ముఖ్యంగా చదువుకునే పిల్లలకు యోగా ఎంతగానో ఉపయోగపడుతుంది. అయితే ఇవాల్టి రోజున చదువుకునే వారు మరీ ముఖ్యంగా కాలేజీ కుర్రవాళ్ళు పొద్దున్నే లేవడం అనేమాట మరిచి పోయారు సరి కదా కాలేజీకి ఇంకా అరగంట ఉంది అనగా బాత్రూంలో దూరి అప్పటి కప్పుడు రెడీ అయి ప్యాంటు చొక్కా వేసుకుని కాలేజీకి పరిగెడతారు.. అలా చేయడం వలన శరీరానికి ఏమాత్రం వ్యాయామం లభించదు సరికదా ఆ రోజంతా బద్ధకంగా గడుస్తూ ఉంటుంది. అదే ఆ రోజు కనుక యోగాతో ప్రారంభం అయితే రోజంతా చాలా ఫ్రెష్ గా ఉన్న ఫీలింగ్ ఉంటుంది. 

అంతే కాదు యోగా వల్ల విద్యార్థులకు జ్ఞాపక శక్తి కూడా పెరిగే అవకాశం ఉంటుంది ఎందుకంటే యోగా చేయడం వలన మెదడు చురుగ్గా పని చేస్తుంది కాబట్టి. ఇక శరీరం నుంచి కూడా వ్యర్థాలు వీలైనంత త్వరగా బయటికి వెళ్లిపోతాయి కాబట్టి శరీరం కూడా చాలా అద్భుతంగా పనిచేస్తున్న ఫీలింగ్ కలుగుతుంది. ఇది కాక శారీరకపరమైన సాధనాలతో కూడా కండరాలు దృఢంగా తయారవుతాయి. కాబట్టి ముఖ్యంగా చదువుకునే పిల్లలు యోగా మీద దృష్టి పెట్టేలాగా వారి తల్లిదండ్రులు ప్రోత్సహిస్తే కచ్చితంగా చదువుల్లో కూడా మంచి ఫలితాలు ఉంటాయని నిపుణులు చెబుతున్నారు. మరి ఈ యోగా దినోత్సవం నుంచి అయినా  యోగా మీద దృష్టి పెడితే కాస్తలో కాస్త మెరుగైన ఫలితాలు లభించే అవకాశం ఉంటుంది.