ఇక ఇక్కడ జనసేన దాదాపు 36 వేల ఓట్లు తెచ్చుకుంది. అటు టీడీపీకి 45 వేల ఓట్లు పడ్డాయి. ఇక వైసీపీ దాదాపు 22 వేల ఓట్ల మెజారిటీతో గెలిచింది. ఒకవేళ టీడీపీ-జనసేనలు కలిసి పోటీ చేసి ఉంటే వైసీపీకి చెక్ పడేది. అయితే ఎమ్మెల్యేగా గెలిచిన చిట్టిబాబు మంచి పనితీరు ముందుకెళుతున్నారు. ప్రజలకు ఎప్పుడు అందుబాటులోనే ఉంటున్నారు. ప్రభుత్వ పథకాలు చక్కగా అమలవుతున్నాయి. అటు కొత్తగా రోడ్ల నిర్మాణం జరుగుతుంది.

అలాగే ఎప్పటినుంచో లంక గ్రామాల ప్రజలకు తీరని కలగా ఉన్న, ఊడిమూడిలంక వద్ద వశిష్ట నదీ పాయపై వంతెన నిర్మాణానికి ప్రభుత్వం శ్రీకారం చుట్టింది. అలాగే పేదలకు ఉచితంగా ఇళ్ల స్థలాలు ఇచ్చి, అందులో ఇళ్ళు కట్టించే కార్యక్రమం జరుగుతుంది. అలాగే నాడు-నేడు ద్వారా నియోజకవర్గంలో ప్రభుత్వ స్కూల్స్, హాస్పిటల్స్ రూపు రేఖలు మారాయి.

అయితే నియోజకవర్గంలో పలు సమస్యలు ఉన్నాయి. గోదావరికి వరద వస్తే లంక గ్రామాలకు ముంపు ప్రమాదం ఎక్కువగా ఉంటుంది. అటు నియోజకవర్గంలో రైతుల పంటలకు గిట్టుబాట ధర దక్కేలా చేయడంలో ఎమ్మెల్యే కాస్త విఫలమవుతున్నారు. ఇక రాజకీయంగా చూసుకుంటే చిట్టిబాబు మాత్రం బలంగానే ఉన్నారు. కానీ టీడీపీ-జనసేనలు విడివిడిగా ఉన్నంత కాలం చిట్టిబాబుకు ఇబ్బంది లేదు. ఒకవేళ ఆ రెండు పార్టీలు కలిస్తే ఎమ్మెల్యే చిట్టిబాబుకు చెక్ పడే అవకాశాలున్నాయి.