CO2 అనే పేరుతో తమిళంలో కూడా రీమేక్ చేశారు. మంచోడు శ్రీను అనే ఒక వ్యక్తి ముఖ్యమంత్రిని కిడ్నాప్ చేసి ప్రజలలో ఆసక్తి రేకెత్తించే డిమాండ్లను మీడియా ముందు ఉంచుతాడు. వినడానికి ఆ డిమాండ్స్ కాస్త సిల్లీగానే ఉన్నా ఆ డిమాండ్లు నెరవేరుస్తూ దేశ ముఖ చిత్రమే మారిపోతుంది/ ఈ సినిమా తరువాత ప్రజల మైండ్ సెట్లు మారాయో లేదో తెలియదు కానీ కొంతలో కొంత ఆలోచనలో పడ్డారు అని మాత్రం చెప్పక తప్పదు. ఆ రోజుల్లోనే ఈ సినిమా నచ్చడంతో దిల్ రాజు సినిమాని పంపిణీ చేశారు. 

ఈ సినిమాకు సంబంధించి మరో ఆసక్తికరమైన అంశం ఏమిటంటే నెపోలియన్ అనే సినిమాతో ప్రేక్షకుల ముందుకు వచ్చి ఆకట్టుకున్న నటుడు, దర్శకుడు ఆనంద్ రవి ఈ సినిమాకి కథ అందించారు. ఈ సినిమా 2014 ఎన్నికలకు కొద్ది రోజుల ముందే రిలీజ్ అయి మంచి హిట్ టాక్ అందుకుంది. నారా రోహిత్ స్వయంగా నారా చంద్రబాబు నాయుడు తమ్ముడు కొడుకు అయినా సరే ఈ సినిమా తెలుగుదేశానికి ప్రచారం చేయడం కోసం తీశారు అని ఎవరూ మాట్లాడలేదు. ఎందుకంటే సినిమాలో ఉన్న కంటెంట్ అలాంటిది కాబట్టి.