అలాగే టీడీపీలో అనేక కీలక పదవులు అనుభవించారు. అయితే 2009 నుంచి యనమలకు ఎదురుగాలి మొదలైంది. 2009లో తొలిసారి యనమల పోటీ చేసి ఓడిపోయారు. 2014 ఎన్నికలోచ్చేసరికి యనమల పోటీ నుంచి తప్పుకుని, తన సోదరుడు కృష్ణుడుని తుని బరిలో నిలబెట్టారు. కానీ కృష్ణుడు వైసీపీ నేత దాడిశెట్టి రాజా చేతిలో ఓడిపోయారు. కాకపోతే అప్పుడు టీడీపీ అధికారంలోకి రావడంతో యనమలకు ఎమ్మెల్సీ పదవితో పాటు, ఆర్ధిక మంత్రి పదవి వచ్చింది.

ఆ అయిదేళ్లు యనమల ఫ్యామిలీ రాజకీయం బాగానే నడిచింది. కానీ 2019 ఎన్నికల్లో తునిలో మళ్ళీ ఎదురుగాలి వీచింది. కృష్ణుడు మరొకసారి దాడిశెట్టి చేతిలో ఓడిపోయారు. అయితే యనమల కుమార్తె దివ్యని సైతం ఆ ఎన్నికల్లో నిలబెట్టాలని యనమల చూశారు. కాకినాడ రూరల్ లేదా రాజానగరం సీట్లలో నిలబెట్టాలని చూశారు గానీ, చంద్రబాబు ఛాన్స్ ఇవ్వలేదు. ఇక వచ్చే ఎన్నికల్లో మాత్రం కుమార్తెని రాజకీయాల్లోకి తీసుకోచ్చేందుకు యనమల ప్రయత్నిస్తున్నారని తెలుస్తోంది. 

అలాగే ఎన్నికల బరిలో నిలబెట్టాలని చూస్తున్నారు. ఈ సారి మాత్రం కుమార్తెకు ఎలాగైనా టిక్కెట్ దక్కించుకోవాలని ప్రయత్నిస్తున్నారు. అయితే తునిలో యనమల సోదరుడు కృష్ణుడు ఉన్నారు. దీంతో దివ్యకు మరొక సీటు తీసుకోవాలి. కానీ చంద్రబాబు యనమల ఫ్యామిలీ రెండు టికెట్లు ఇస్తారా లేదా అని చూడాలి. ఒకవేళ ఒకటే టిక్కెట్ ఇస్తే యనమల కుమార్తెని ఎలా బరిలో దింపుతారనేది చూడాలి.