ఈ విషయం తనకు తెలిసప్పుడు ప్రిన్స్ రాజ్ ను పోలీసులకు ఫిర్యాదు చేయమని సూచించానని అలాగే నా కుటుంబంలో పెద్దవాడైన పసుపతి కుమార్ పరాస్ తో ఈ విషయం చర్చించాను, కాని అతను దానిని తీవ్రంగా పరిగణించలేదు" అని పాస్వాన్ మార్చి 29 నాటి లేఖలో పేర్కొన్నారు. ఇక రాజ్ తనను లైంగికంగా దోపిడీ చేశాడని ఆ మహిళ ఆరోపించింది. రాజ్ దివంగత ఎల్జెపి వ్యవస్థాపకుడు రామ్ విలాస్ పాస్వాన్ సోదరుడయిన దివంగత రామ్ చంద్ర పాస్వాన్ కుమారుడు. తన తండ్రి మరణం తరువాత పాస్వాన్ తన కోసం ప్రచారం చేయడంతో అతను సమస్తిపూర్ నుండి విజయవంతంగా ఎంపీగా ఎన్నికయ్యారు. 

ఇక ఎల్‌జెపి ఇప్పటికే పార్టీలోని రెండు వర్గాలతో అంతర్గత పోరును ఎదుర్కొంటోంది. ఒకటి చిరాగ్ పాస్వాన్ నేతృత్వంలో, మరొకటి అతని మామ పశుపతి కుమార్ పరాస్ నేతృత్వంలో ఆధిపత్యం కోసం పోటీ పడుతున్నారు. ఇక కార్యనిర్వాహక కమిటీ సమావేశంలో పాస్వాన్ తన మామ మరియు మరో నలుగురు ఎంపీలను "పార్టీ వ్యతిరేక కార్యకలాపాల" వంక చూపిస్తూ బహిష్కరించగా పరాస్ నేతృత్వంలోని బృందం పాస్వాన్‌ను అధ్యక్షుడిగా తొలగించింది. లోక్సభలోని ఆరుగురు ఎల్జెపి ఎంపిలలో ఐదుగురు, ప్రిన్స్ రాజ్ సహా, పాస్వాన్ మీద తిరుగుబాటు చేశారు. 21 సంవత్సరాల క్రితం తన తండ్రి మొదలు పెట్టిన సొంత పార్టీలో ఇప్పుడు పాశ్వాన్ ఒంటరిగా ఉన్నారు.