పరుచూరి సోదరులు సంభాషణలు అందించిన ఈ సినిమాకి మణిశర్మ సంగీతం అందించారు. గతంలో బి.గోపాల్, బాలకృష్ణ కాంబినేషన్ లో వచ్చిన సినిమాలు సూపర్ హిట్ అవడంతో ఈ సినిమా కూడా సూపర్ హిట్ అవుతుందని భావించారు.. కానీ తొడగొడితే ట్రైన్ వెనక్కి వెళ్లి పోయే సీన్ ఈ సినిమాకి మైనస్ గా మారింది. ఈ ఒక్క సీన్ గనుక లేకుండా ఉంటే సినిమా మరో లెవల్ లో ఉండేది అని భావిస్తూ ఉంటారు. ఈ విషయాన్ని ఆ మధ్య ఆలీతో సరదాగా అనే ప్రోగ్రామ్ లో పాల్గొన్న బి.గోపాల్ ప్రస్తావిస్తూ ఈ సినిమా పరాజయానికి పూర్తి బాధ్యత తనదేనని ఒప్పుకున్నారు.

 బాలకృష్ణ తొడగొడితే ట్రైన్ వెనక్కి వెళ్ళి పోయే సీన్ చేయాల్సి చేయాల్సింది కాదని ఈ సీన్ వల్ల చాలా విమర్శలు ఎదుర్కోవాల్సి వచ్చిందని అన్నారు. ఆ సీన్ పెట్టినందుకు ఇప్పటికీ బాధపడుతూనే ఉంటానని ఆయన వెల్లడించారు. మరో ఆసక్తికరమైన అంశం ఏమిటంటే ఈ సినిమా రిలీజ్ అవ్వడానికి ఆరు వారాల ముందు ఇదే కథతో కన్నడలో మరో సినిమా రిలీజ్ అయింది. అయితే అందులో తొడగొట్టే సీన్ మాత్రం ఉండదు. ఆ సినిమాను తెరకెక్కించిన ముత్యాల సుబ్బయ్య కాగా కథ రాసింది పోసాని కృష్ణ మురళి, విష్ణు వర్ధన్ హీరోగా రిలీజ్ అయిన ఆ సినిమా కథను పల్నాటి బ్రహ్మనాయుడుకి కూడా వాడారు.