ఏమాత్రం టెన్షన్లు లేని చిన్న ఫ్యామిలీ డ్రామాకి లవ్..సెంటిమెంట్ తో కోటింగ్ వేసి..దానికి మాటల మసాలా కలిపి ప్రేక్షకులకు పంచ భక్ష్య పరమాన్నంతో విందుభోజనం లాంటి అనుభూతిని ఇచ్చిన సినిమా నువ్వునాకునచ్చావ్. వెంకటేశ్, ఆర్తి అగర్వాల్, చంద్ర మోహన్, ప్రకాష్ రాజ్, తనికెళ్ళ భరణి లాంటి మహామహులు నటించిన ఈ సినిమా ఇప్పటికీ టీవీలో వచ్చినా ఎవరూ మిస్ కారు. ఛానల్ మార్చకుండా ఇప్పటికే సినిమా చూస్తూ ఉంటారు. ఈ సినిమా చూసిన ప్రతిఒక్కరూ వెంకటేష్ నటనకి, కామెడీ టైమింగ్ కి ఎంతలా కనెక్ట్ అయిపోయారో త్రివిక్రమ్ మాటల మాయలో అలాగే పడిపోయారు.  

2001 సంవత్సరంలో వచ్చిన 'నువ్వు నాకు నచ్చావ్' అనే సినిమా సూపర్ హిట్ గా నిలిచింది. ఈ సినిమాలో బంతి క్యారెక్టర్ తో సునీల్ టాప్ కమెడియన్ అయిపోవడమే కాక వరుస సినిమా అవకాశాలు అందుకున్నాడు.  147 సెంటర్లలో 113 ప్రింట్లతో ఈ సినిమాని రిలీజ్ చేస్తే మొదటి ఆట నుంచే సూపర్ హిట్ టాక్ రావడంతో అప్పటికి టాలీవుడ్ లో అత్యధిక వసూళ్లు సాధించిన మూడో తెలుగు సినిమాగా  నిలిచింది. ఏకంగా 93 కేంద్రాలలో 50 రోజులు, 57 కేంద్రాలలో 100 రోజులు, మూడు కేంద్రాలలో 175 రోజులు ప్రదర్శించబడి సూపర్ హిట్ సినిమాల్లో ఒకటిగా నిలిచింది. అంతే కాక ఈ సినిమాకి మొత్తం ఆరు విభాగాల్లో నంది అవార్డులు లభించాయి కూడా.