ఇక అప్పటినుంచి జగన్, కేంద్రాన్ని గట్టిగా నిలదీయడం లేదు. ఢిల్లీకి వెళ్ళిన ప్రతిసారి రాష్ట్రానికి న్యాయం చేయమని రిక్వెస్ట్ చేస్తున్నారు. కానీ అక్కడ నుంచి రాష్ట్రానికి పెద్దగా సాయం అందినట్లు కనిపించడం లేదు. తాజాగా కూడా జగన్ ఢిల్లీకి వెళ్ళి పలువురు కేంద్రమంత్రులని కలిసొచ్చారు. అలాగే వారిని పలు విషయాల్లో ఏపీకి సాయం చేయాలని కోరారు. మొదట మూడు రాజధానుల్లో భాగంగా కర్నూలుకు హైకోర్టు తరలింపు కార్యక్రమాన్ని చేపట్టాలని అడిగారు. కర్నూలులో హైకోర్టు ఏర్పాటుకు రీనోటిఫికేషన్ జారీ చేయాలని అమిత్ షాని కోరారు.

అలాగే హోదా అంశాన్ని మరోసారి ప్రస్తావించి న్యాయం చేయాలని అడిగారు. అలాగే 13 మెడికల్ కాలేజీలకు పర్మిషన్ ఇచ్చి, ఆర్ధికంగా సాయం చేయాలని, పోలవరం విషయంలో సవరించిన అంచనా వ్యయానికి ఆమోదం తెలపాలని, విద్యుత్ రంగంలో రుణాలు రీస్ట్రక్చర్ చేయాలని....ఇలా చెప్పుకుంటూ పోతే పలు విషయాల్లో జగన్, కేంద్రాన్ని సాయం కోరారు.

అయితే జగన్ మాత్రం రాష్ట్రానికి న్యాయం చేయాలని కేంద్రాన్ని బాగానే అడిగారు. కానీ కేంద్రం మాత్రం రాష్ట్రానికి న్యాయం చేస్తుందనేది చెప్పలేం. ఎందుకంటే ఇప్పటికీ వరకు రాష్ట్రానికి కేంద్రం చేసిన సాయం పెద్దగా ఏమి లేదు. అన్నీ రాష్ట్రాల మాదిరిగానే ఏపీకి నిధులు వస్తున్నాయి తప్ప, విభజన హామీలు, ప్రత్యేక హోదా ఇలా చెప్పుకుంటూ పోతే రాష్ట్రానికి ప్రత్యేక సాయం అయితే కేంద్రం చేయడం లేదు.