“ఇమ్మిగ్రేషన్ అండ్ పాస్‌పోర్ట్ చట్టం సెక్షన్ 5 (1) (ఎఫ్) ప్రకారం 2017 సవరించిన చట్టాల అధ్యాయం 18:01 ప్రకారం కామన్వెల్త్ ఆఫ్ డొమినికాలో మీరు అంటే మిస్టర్ మెహుల్ చినుభాయ్ చోక్సీని నిషేధించబడిన వలసదారునిగా ప్రకటించారు. ” "అందువల్ల, కామన్వెల్త్ ఆఫ్ డొమినికాలోకి ప్రవేశించడానికి మీకు అనుమతి లేదు మరియు మీరు స్వదేశానికి తిరిగి పంపడానికి  అవసరమైన అన్ని చర్యలు తీసుకోవాలని పోలీసు చీఫ్‌కు సూచించబడింది" అని డొమినికన్ మంత్రి రేబర్న్ బ్లాక్‌మూర్ సంతకం చేసిన మే 25, 2021 నాటి ఉత్తర్వులు ఇప్పుడు భారత్ కు అందాయి. ఇక కోర్టు ముందు డొమినికన్ అధికారులు సమర్పించిన సమర్పణలో భాగంగా ఈ పత్రం ఉందని కూడా తెలుస్తోంది. 

ఇక ఈ ఉత్తర్వుల ఆధారంగా మెహూల్ చోక్సీ అభ్యర్ధనను తిరస్కరించాలని, అతన్ని భారత్‌కు బహిష్కరించాలని పబ్లిక్ ప్రాసిక్యూటర్ హైకోర్టును కోరారు. భారతదేశంలో 13,500 కోట్ల రూపాయల బ్యాంకు మోసం కేసులో మోస్ట్ వాంటెడ్ అయిన మెహుల్ చోక్సీ మే 23 న ఆంటిగ్వా మరియు బార్బుడా నుండి సైలెంట్ గా మిస్ అయ్యాడు. అతను 2018 నుండి పౌరుడిగా ఉంటున్నాడు. అతన్ని పొరుగున ఉన్న ద్వీప దేశమైన డొమినికాలో  అక్రమ ప్రవేశం నేరం కింద అదుపులోకి తీసుకున్నారు.