రాధే శ్యామ్ సినిమా షూటింగ్ చివరి దశలో ఉండగా మిగతా రెండు సినిమాల షూటింగ్ మధ్యలో ఉన్నాయి. ఇవన్నీ పూర్తయిన తర్వాత నాగ్ అశ్విన్ ప్రభాస్ కాంబినేషన్ లో సినిమా షూటింగ్ మొదలయ్యే అవకాశం కనిపిస్తోంది. ఈ సినిమాలో ఇప్పటికే హీరోయిన్ గా దీపికా పడుకొనే ఎంపికయింది. మరో కీలక పాత్ర కోసం రాశిఖన్నాను టీమ్ సంప్రదించినట్లు ప్రచారం జరుగుతోంది.. ఇక ఆమె ఈ సినిమా ఒప్పుకుంటే ఆమె కెరీర్లోనే ఇది మొట్టమొదటి సినిమా అవుతుంది. 

ఇక ఈ సినిమాలో చాలామంది బాలీవుడ్ స్టార్స్ ని కూడా తీసుకోబోతున్నారు అనే ప్రచారం ముందు నుంచి జరుగుతోంది.. ఇక ఇప్పటికే ఈ సినిమాలో బాలీవుడ్ స్టార్ అమితాబ్ బచ్చన్ కూడా నటిస్తున్న సంగతి తెలిసిందే. అనుకున్నది అనుకున్నట్లుగా జరిగితే వచ్చే నెల నుంచి ఈ సినిమా షూటింగ్ మొదలవ్వాల్సి ఉంది. కానీ కరోనా సెకండ్ వేవ్ సినిమా ప్లాన్స్ అన్నిటినీ మార్చేసింది. ఇక ఈ సినిమా వచ్చే ఏడాది షూటింగ్ మొదలయ్యే అవకాశాలు ఉన్నాయి అని అంటున్నారు.