అలాగే జగన్ ప్రభుత్వంపై దూకుడుగా విమర్శలు చేస్తూ వస్తున్నారు. అయితే మధ్యలో అచ్చెన్న ఈ‌ఎస్‌ఐ స్కామ్‌లో జైలుకెళ్లి బెయిల్ మీద బయటకొచ్చారు. బయటకొచ్చాక అచ్చెన్నకు చంద్రబాబు ఏపీ టీడీపీ అధ్యక్ష బాధ్యతలు అప్పగించారు. ఇక అధ్యక్ష స్థానంలోకి వచ్చాక అచ్చెన్నాయుడు ఏం చేయాలి....పార్టీని బలోపేతం చేయాలి. ఎక్కడికక్కడ నాయకులని యాక్టివ్ చేసి, వైసీపీకి ధీటుగా పనిచేసేలా చేయాలి. 175 నియోజకవర్గాల్లో పార్టీ కేడర్‌ని కాపాడుకుంటూ, కొత్త నాయకత్వాన్ని ప్రోత్సహించాలి. పార్టీలోకి యువతని తీసుకురావాలి...ఇలా చెప్పుకుంటూ పోతే పార్టీ నెక్స్ట్ అధికారంలోకి రావడానికి అచ్చెన్న బాగా కష్టపడాలి.

కానీ ఇవేమీ అచ్చెన్న చేస్తున్నట్లు కనిపించడం లేదు. ఏపీ టీడీపీ అధ్యక్ష బాధ్యతలు తీసుకున్నాక, అచ్చెన్న చేస్తున్న ఒకే పని, జగన్‌పై విమర్శలు చేయడం. ఆ రోజు, ఈరోజు అనే తేడా లేకుండా నిత్యం జగన్ ప్రభుత్వంపై విమర్శలు చేయడమే లక్ష్యంగా అచ్చెన్న ముందుకెళుతున్నారు. ఇలా పార్టీని బలోపేతం చేసే కార్యక్రమం పక్కనబెట్టేసి ఎంతసేపు జగన్‌పై విమర్శలు చేయడం వల్ల ప్రజలకు కూడా బోర్ కొడుతుంది.

పైగా నిత్యం విమర్శలు చేయడం వల్ల జగన్‌పై సానుభూతి పెరుగుతుంది. అది తెలుగుదేశం పార్టీకి లాభం జరగడం కంటే నష్టమే ఎక్కువ జరుగుతుంది. కాబట్టి ఇప్పటినుంచైనా అచ్చెన్న తన వర్షన్ మార్చుకుని, పార్టీని బలోపేతం చేయడంపై దృష్టి పెడితే బెటర్. లేదంటే అచ్చెన్న ఎప్పుడు చూసిన జగన్‌ని తిట్టే పనిలో ఉంటే, ప్రజలకు అచ్చెన్న బోర్ కొట్టేస్తారు. అలాగే పార్టీకి డ్యామేజ్ జరగడం ఖాయం.