ఇక మరోపక్క ఢిల్లీలో మకాం వేసిన కీలక వైసీపీ నేతలు, వైసీపీ ఎంపీలు మరి కొంత మంది కేంద్ర మంత్రులు అపాయింట్మెంట్ కోసం ప్రయత్నాలు చేస్తున్నట్లు సమాచారం. ఇప్పటికే అమిత్ షా సహా రక్షణ ఆర్థిక శాఖ మంత్రుల అపాయింట్మెంట్ కోసం కూడా వైసీపీ నేతలు ప్రయత్నాలు చేస్తున్నట్లు తెలుస్తోంది. ఒకపక్క రఘురామకృష్ణంరాజు దేశవ్యాప్తంగా ఉన్న అందరు సీఎంలకు అలాగే ఎంపీలకు తనను కొట్టిన విషయాన్ని హైలెట్ చేస్తూ లేఖలో రాస్తున్న నేపథ్యంలో బెయిల్ రద్దు చేయాలని ఆయన పిటిషన్ దాఖలు చేసిన క్రమంలో జగన్ హస్తిన పర్యటన ఇప్పుడు మరింత ఆసక్తికరంగా మారుతోంది.. 

కేంద్ర మంత్రులు, ఎంపీలు, ముఖ్యమంత్రులు, గవర్నర్లకు తనమీద థర్డ్ డిగ్రీ ప్రయోగించారని చెబుతూ రఘురామకృష్ణంరాజు లేఖలు రాసిన సంగతి తెలిసిందే..రాజ ద్రోహం సెక్షన్ ప్రయోగించి తనను ఎలా హింసలు పెట్టారు అనేది వివరిస్తూ ఆయన రాజద్రోహం శిక్షణ అనేది ఎత్తివేయడానికి మీరందరూ కలిసి రావాలని కోరుతూ ముఖ్యమంత్రులకు లేఖలు రాశారు. ఈ నేపథ్యంలో కేంద్ర మంత్రులను కలిసి ఏపీ ప్రభుత్వం తరఫున తన వాదన వినిపించేందుకు ఆంధ్రప్రదేశ్ ముఖ్యమంత్రి ఎంపీలు కలిసి వెళ్లబోతున్నారని అంటున్నారు. ఇక సీఎం పర్యటనకు సంబంధించిన పూర్తి వివరాలు ఈ రోజు సాయంత్రానికి అందుబాటులోకి వచ్చే అవకాశం కనిపిస్తోంది.