ఇప్పటికీ ఆ నాయకులు టీడీపీలో పుంజుకోలేకపోతున్నారు. జగన్ హవా ఇంకా కొనసాగుతుండటంతో, ఆ ఎమ్మెల్యేలకు ఇంకా కష్టకాలం నడుస్తోంది. జగన్ దెబ్బకు వారి రాజకీయ భవిష్యత్ కష్టంగా అయిపోయింది. ముఖ్యంగా ముత్తుముల అశోక్ రెడ్డి, పాశం సునీల్ కుమార్‌లు టీడీపీలో పుంజుకోలేపోతున్నారు.  2014 ఎన్నికల్లో అశోక్ రెడ్డి వైసీపీ తరుపున గిద్దలూరులో పోటీ చేసి అన్నా రాంబాబుపై గెలిచారు.

కానీ తర్వాత టీడీపీ అధికారంలోకి రావడంతో, ఇటు వచ్చేశారు. అధికారం ఉన్నన్ని రోజులు అశోక్ రెడ్డి రాజకీయం బాగానే నడిచింది. కానీ 2019 ఎన్నికల్లోనే సీన్ రివర్స్ అయింది. అశోక్ టీడీపీ నుంచి పోటీ చేస్తే, అన్నా రాంబాబు వైసీపీలోకి వచ్చి పోటీ చేశారు. దాదాపు 81 వేల భారీ మెజారిటీతో రాంబాబు, అశోక్‌పై గెలిచారు. ఇక ఎమ్మెల్యేగా రాంబాబు దూకుడుగా ఉన్నారు. కానీ అశోక్ రెడ్డి మాత్రం టీడీపీలో పెద్దగా కనిపించడం లేదు. ఒకవేళ టీడీపీలో మళ్ళీ పోటీ చేసిన అశోక్‌కు విజయం దక్కుతుందనేది కాస్త డౌటే.

అటు పాశం సునీల్ 2014 ఎన్నికల్లో వైసీపీ తరుపున గూడూరులో పోటీ చేసి గెలిచారు. సునీల్ కూడా నెక్స్ట్ టీడీపీలోకి వచ్చేశారు. ఇక 2019 ఎన్నికల్లో టీడీపీ తరుపున పోటీ చేసి ఘోరంగా ఓడిపోయారు. జగన్ వేవ్‌లో దాదాపు 40 వేల ఓట్ల పైనే మెజారిటీతో సునీల్, వరప్రసాద్‌పై ఓడిపోయారు. ఓడిపోయాక సునీల్ పెద్దగా యాక్టివ్‌గా ఉండటం లేదు. ఇక్కడ వైసీపీ ఎమ్మెల్యేపై వ్యతిరేకిత ఉన్నా సరే, సునీల్‌కు జగన్ ఇమేజ్ దెబ్బ వేస్తుంది. ఫలితంగా గూడూరులో సునీల్ పుంజుకోలేదు. మొత్తానికైతే ఈ ఇద్దరు జంపింగ్ ఎమ్మెల్యేలకు జగన్ దెబ్బ గట్టిగానే తగిలింది.