అయితే ఎన్నికలై రెండేళ్లు దాటేసింది. ఈ రెండేళ్ల కాలంలో పార్లమెంట్ పరిధిలో టీడీపీ బలోపేతం అయిందా? టీడీపీ నాయకులు యాక్టివ్‌గానే ఉంటూ సైకిల్ స్పీడ్ పెంచారా? అంటే కాస్త అవునని, కాస్త కాదని చెప్పొచ్చు. ఎందుకంటే పార్లమెంట్ పరిధిలో నాయకులు బాగానే యాక్టివ్‌గా ఉంటున్నారు. కానీ ఇటీవల పంచాయితీ, మున్సిపల్ ఎన్నికల్లో మాత్రం పార్టీని గెలిపించలేకపోయారు. ఎందుకంటే వైసీపీ అధికారంలో ఉండటం, పథకాలు అమలులో ఇబ్బంది అవుతుందనే ఉద్దేశంతో ప్రజలు వైసీపీ వైపుకు మొగ్గు చూపారు.

అయితే నెక్స్ట్ ఎన్నికల్లో ఆ పరిస్తితి ఉండదని టీడీపీ నేతలు చెబుతున్నారు. ఇప్పటికే హిందూపురం పార్లమెంట్ అధ్యక్షుడుగా ఉన్న బి‌కే పార్థసారథి, పార్టీని బలోపేతం చేయడానికి బాగానే కష్టపడుతున్నారు. ఓ వైపు తన సొంత నియోజకవర్గం పెనుగొండలో పార్టీని నడిపిస్తూనే, పార్లమెంట్ పరిధిలో పనిచేసుకుంటున్నారు. అటు హిందూపురం ఎమ్మెల్యేగా బాలయ్య పనితీరు ఏంటో చెప్పాల్సిన పని లేదు.

ఇక రాప్తాడు, ధర్మవరం బాధ్యతలని పరిటాల శ్రీరామ్ చూసుకుంటున్నారు. ఇందులో రాప్తాడులో టీడీపీ పరిస్తితి కాస్త మెరుగైనట్లే ఉంది. ధర్మవరంలో శ్రీరామ్‌కు పెద్ద ఛాన్స్ దొరకడం లేదు. పుట్టపర్తిలో మాజీ మంత్రి పల్లె రఘునాథ్ రెడ్డి దూకుడుగా ఉండటం లేదు. వయసు మీద పడటంతో పల్లె కాస్త సైలెంట్‌గా ఉన్నారు. కదిరిలో కందికుంట వెంకటప్రసాద్ ఫుల్ యాక్టివ్‌గా ఉన్నారు. నెక్స్ట్ ఎన్నికల్లో గెలవాలనే కసితో పనిచేస్తున్నారు. అటు మడకశిరలో ఈరన్న సైతం పార్టీని బలోపేతం చేయడానికి కృషి చేస్తున్నారు. మొత్తానికైతే హిందూపురంలో సైకిల్ కాస్త గాడిలో ఉన్నట్లే కనిపిస్తోంది.