ఇక జగన్‌కు అనుకూలంగా ఉన్నవారు...అధికారంలో ఉన్న వైసీపీ కంటే, ప్రతిపక్షంలో ఉన్న టీడీపీపైనే ఎక్కువ విమర్శలు చేస్తారు. చంద్రబాబుకు అనుకూలంగా ఉన్నవారు, వైసీపీని గట్టిగానే టార్గెట్ చేసి మాట్లాడతారు. ఏపీ బీజేపీ అధ్యక్షుడు సోము వీర్రాజు, విష్ణువర్ధన్ రెడ్డిలతో పాటు మరికొందరు నేతలు చంద్రబాబునే టార్గెట్ చేసి మాట్లాడతారు. అటు విష్ణుకుమార్ రాజు, కామినేని శ్రీనివాస్, కన్నా లక్ష్మీనారాయణ లాంటివారు జగన్‌పై విరుచుకుపడతారు.

అయితే ఇటీవల కాలంలో విష్ణుకుమార్ రాజు, ఓ రేంజ్‌లో జగన్ ప్రభుత్వంపై ఫైర్ అవుతూ వస్తున్నారు. రఘురామకృష్ణంరాజు ఎపిసోడ్ నుంచి విష్ణు మీడియా ముందుకొచ్చి, జగన్ ప్రభుత్వాన్ని ఏకీపారేస్తున్నారు. రఘురామకు సపోర్ట్ చేసి జగన్‌పై ఓ రేంజ్‌లో విమర్శలు చేస్తున్నారు. తాజాగా విశాఖలో మానసిక వికలాంగులు స్కూలు కూల్చే విషయంపై విష్ణు, జగన్ ప్రభుత్వంపై ఫైర్ అయ్యారు. ఏపీలో నియంత పాలన నడుస్తుందని అంటున్నారు.

ఇలా ఓ వైపు విష్ణు, జగన్ ప్రభుత్వంపై విరుచుకుపడుతుంటే, మరోవైపు కన్నా లక్ష్మీనారాయణ ఎంట్రీ ఇచ్చారు. ఏపీ బీజేపీ అధ్యక్ష పదవిపోయాక కాస్త సైలెంట్ అయిన కన్నా, మళ్ళీ ఎంట్రీ ఇచ్చి జగన్ ప్రభుత్వంపై తీవ్ర విమర్శలు చేశారు. జగన్, ప్రజల సొమ్ముతో ప్రజలనే కొంటున్నారని ఫైర్ అయిపోయారు.  ఈ విధంగా విష్ణు, కన్నాలు జగన్ టార్గెట్‌గా రాజకీయం చేయడం మొదలుపెట్టారు.