ఎయిర్‌పోర్టులోని కార్గో కాంప్లెక్స్‌ ముందు భాగంలో రెండవ టెర్మినల్‌ కోసం రోడ్డు విస్తరణ పనులు చేస్తున్నారు. ఈ క్రమంలోనే తెల్లవారుజామున కార్మికులు రోడ్డుకు ఇరువైపులా మెషీన్ తో తెల్లరంగు మార్కింగ్‌లు, జీబ్రా లైన్లు వేస్తున్నారు. అయితే తెల్లరంగు తయారీ కోసం సిలిండర్‌లో రసాయనాలు వేసి వేడి చేస్తుండగా ఎండకు సిలిండర్‌ పేలింది. ఈ దెబ్బకు అక్కడ పనిచేస్తున్న కార్మికులకు గాయాలయ్యాయి. వారందరినీ బెంగళూరు విక్టోరియా ఆస్పత్రికి తరలించి చికిత్స అందిస్తున్నారు.