అతను ముందు స్నేహంగా ఉన్నా తరువాత ఫ్లర్ట్ చేయడం ప్రారంభించాడని అన్నారు. అతను నాకు వజ్రాల ఉంగరాలు మరియు బ్రేస్ లేట్ లు సైతం బహుమతిగా ఇచ్చాడు" అని బార్బరా జరాబికా పేర్కొన్నారు. ఇక బార్బరా జరాబికా తన పేరును చోక్సీ యొక్క న్యాయవాదులు మరియు కుటుంబ సభ్యులు ఈ వివాదంలోకి లాగారని అన్నారు. అతని కిడ్నాప్‌తో నాకు ఎటువంటి సంబంధం లేదు. మెహుల్ చోక్సీ యొక్క న్యాయవాదులు మరియు కుటుంబ సభ్యులు నా పేరును ఈ వివాదంలోకి లాగుతున్నారు, దీంతో తాను, తన కుటుంబం ఒత్తిడిలో ఉన్నామని ఆమె చెప్పారు. 

ఆంటిగ్వా పోలీసులకు రాసిన లేఖలో, మెహుల్ చోక్సీ తనను బార్బరా జరాబికా ఇంటి నుండి అపహరించి, పడవలో డొమినికాకు తీసుకెళ్లారని ఆరోపించారు. ఆంటిగ్వా మరియు బార్బుడా నుంచి తనను అక్రమంగా రవాణా చేయడానికి ఉపయోగించిన పడవలో ఇద్దరు భారతీయులు ఉన్నారని ఆయన పేర్కొన్నారు. బార్బరా తన సిబ్బందితో స్నేహం చేసిందని ఈవెనింగ్ వాక్ కోసం తనతో పాటు వచ్చేదని చోక్సి ఆరోపించాడు.  మే 23న బార్బరా తన ఇంటి నుండి ఆమెను తీసుకెళ్లమని కోరినట్లు చెప్పారు. సాయంత్రం 5: 15 గంటలకు ఆమె నివాసానికి వెళ్ళిన తర్వాత, తనను 8-10 మంది పురుషులు కొట్టారని మెహుల్ చోక్సీ ఆరోపించారు.