అయితే అప్పుడు వైసీపీ ప్రతిపక్షానికే పరిమితం కావడంతో జ్యోతుల పార్టీ జంప్ కొట్టేశారు. చంద్రబాబు ఆపరేష్ ఆకర్ష్‌లో భాగంగా టీడీపీలో చేరిపోయారు. బాబు మంత్రి పదవి ఇస్తానని ఆశ చూపడంతో జ్యోతుల జంప్ కొట్టేశారు. కానీ బాబు, జ్యోతులకు ఎలాంటి పదవి ఇవ్వలేదు. కానీ అధికారం ఉండటంతో జ్యోతుల టీడీపీలో కొనసాగారు. అలాగే 2019 ఎన్నికల్లో టీడీపీ తరుపున బరిలో దిగారు. కానీ జగన్ వేవ్‌లో జ్యోతుల ఘోరంగా ఓడిపోయారు.

ఇక ఓడిపోయాక జ్యోతుల టీడీపీలో అంత దూకుడుగా పని చేయడం లేదు. ఏదో అప్పుడప్పుడు మాత్రమే పార్టీలో కనిపిస్తున్నారు. అయితే చంద్రబాబు, ఎం‌పి‌టి‌సి, జెడ్‌పి‌టి‌సి ఎన్నికల బహిష్కరణ నిర్ణయం తీసుకోవడాన్ని పూర్తిగా వ్యతిరేకించిన జ్యోతుల టీడీపీలో సైలెంట్ అయిపోయారు. అలాగే ఎన్నికల బహిష్కరణకు వ్యతిరేకంగా టీడీపీ ఉపాధ్యక్ష పదవికి రాజీనామా చేశారు. దీంతో జ్యోతుల పార్టీ మారిపోవడం గ్యారెంటీ అని అంతా అనుకున్నారు. కానీ జ్యోతుల ఎటు వెళ్లకుండా సైలెంట్‌గా ఉండిపోయారు.

ఇదే సమయంలో జ్యోతుల తనయుడు నవీన్ కుమార్ టీడీపీలో యాక్టివ్‌గా ఉన్నారు. కాకినాడ పార్లమెంట్ అధ్యక్షుడుగా దూకుడుగా పనిచేస్తున్నారు. వైసీపీ ప్రభుత్వంపై గట్టిగానే విమర్శలు చేస్తున్నారు. ఇక నవీన్ టీడీపీలో లైన్‌లో ఉన్నారు కాబట్టి, జ్యోతుల పార్టీ మారడం కష్టమని తెలుస్తోంది. ఇప్పటికిప్పుడు వేరే పార్టీలోకి వెళ్ళిన జ్యోతులకు వచ్చే ప్రయోజనం లేదనే చెప్పొచ్చు. పైగా వచ్చే ఎన్నికల్లో జ్యోతుల తనయుడు నవీన్ కాకినాడ ఎంపీగా పోటీ చేసే అవకాశాలు కూడా లేకపోలేదని తెలుస్తోంది. మొత్తానికైతే జ్యోతుల దూకుడుగా లేకపోయిన ఆయన వారసుడు మాత్రం దూకుడుగా ఉన్నారు.