నకిలీ మెయిల్ తో

సైబర్ నేరగాళ్లు కొత్త తరహా మోసానికి తెగబడ్డారు.  కొన్ని ప్రముఖ వెబ్ సైట్ ల సిఈఓల మెయిల్ పేరుతో నకిలీ మెయిల్ తయారు చేశారు సైబర్ నేరగాళ్ళు. తెలంగాణ గనులు భూగర్భ శాఖ డైరెక్టర్ పేరుతో నకిలీ మెయిల్ సృష్టించారు. తాను మీటింగ్ లో ఉన్నానని..అత్యవసరంగా 10 వేల రూపాయల అమెజాన్ గిఫ్ట్ కార్డు పంపాలని క్రింది స్థాయి ఉద్యోగులకి దాని ద్వారా మెయిల్ పంపారు. నిజమే అనుకొని నిజామాబాద్ గనుల శాఖ అధికారి గిఫ్ట్ కార్డు పంపారు. మరో ఇద్దరు కూడా పంపినట్లు అనుమానం వ్యక్తం అవుతోంది. విషయం తెలుసుకుని హైదరాబాద్ సైబర్ క్రైం పోలీసులకు గనులు భూగర్భ శాఖ డైరెక్టర్ రోనాల్డ్ రోస్  ఫిర్యాదు చేయడంతో దర్యాప్తు చేస్తున్నారు పోలీసులు. 

 

ఆర్‌టిపిసిఆర్ పరీక్షలు చేస్తామంటూ 

ఇక మరో పక్క కోవిడ్ ఆర్‌టిపిసిఆర్ పరీక్షలు చేస్తామంటూ మోసం చేసిన విషయం కూడా వెలుగులోకి వచ్చింది. ఇండియా మార్ట్ లో హైదరాబాద్ పాత బస్తీ కి చెందిన వ్యక్తి లాగిన్ అయి ఆర్టీపీసీఆర్ టెస్టులకు సంబందించిన సెర్చ్ చేశారు. దీంతో ఆర్టీపీసీఆర్ టెస్టులు చేస్తామని సైబర్ నేరగాళ్ల నుంచి ఫోన్ వచ్చింది. దీంతో తన ఇంట్లో పది మంది ఉన్నారని బాధితుడు తెలిపాడు. ఈ క్రమంలో డెబిట్ కార్డు వివరాలు అడిగి ఓటిపి తీసుకున్న నేరగాళ్ళు, ఖాతాలో ఉన్న 2.94 లక్షలు కాజేశారు నేరగాళ్ళు. దీంతో హైదరాబాద్ సైబర్ క్రైం పోలీసులకు బాధితుడు ఫిర్యాదు చేశాడు. 

 

వ్యాక్సిన్ వేస్తామని 

మరో పక్క జూబ్లీహిల్స్ లోని ఓ ప్రముఖ బట్టల దుకాణం యజమానిని మోసం చేసిన సైబర్ నేరగాళ్లు, ఆరోగ్య శాఖ నుంచి మాట్లాడుతున్నామంటూ ఫోన్ చేసి ఉద్యోగులకు వ్యాక్సిన్ వేస్తామని 1.10 లక్షలు కట్టించుకున్నారు. ఫోన్ స్విచ్ ఆఫ్ రావడంతో హైదరాబాద్ సైబర్ క్రైమ్ పోలీసులను యజమాని ఆశ్రయించారు.