అందులో సఫలీకృతం అయింది కూడా. ఇదంతా 2019 ముందుమాట కానీ 2019 ఎన్నికల తర్వాత బీజేపీ గ్రాఫ్ క్రమంగా తగ్గుతూ వస్తోంది.. అయినా సరే కాంగ్రెస్ గ్రాఫ్ మాత్రం పెరగకపోవడం ఇప్పుడు ఆసక్తికరంగా మారింది. ఈ నేపథ్యంలోనే రాజకీయ వ్యూహకర్తగా పేరొందిన ప్రశాంత్ కిషోర్ ను రాహుల్ టీం సంప్రదించినట్లు సమాచారం.. ఆయన కూడా 2024లో కాంగ్రెస్ పార్టీ నుంచి ప్రధాని అభ్యర్థిగా రాహుల్ గాంధీని ప్రకటిస్తే ఆయన కోసం పని చేయడానికి సిద్ధం అంటూ ప్రకటన చేసినట్లు నిన్నటి నుంచి పెద్ద ఎత్తున ప్రచారం జరుగుతోంది. ప్రస్తుతానికి కాంగ్రెస్ పార్టీకి అధ్యక్షుడు కూడా లేడు. 

తాత్కాలిక అధ్యక్షురాలుగా సోనియా గాంధీ నేతృత్వంలో పార్టీ ఇప్పుడు కొనసాగుతోంది. వందేళ్ల చరిత్ర ఉన్న పార్టీ పరిస్థితి ఎలా మారడంతోనే రాహుల్ టీం ప్రశాంత్ ను సంప్రదించినట్లు సమాచారం. రాహుల్ కూడా సీనియర్లను పక్కన పెట్టి మరీ ప్రశాంత్ కిషోర్ కు ఎక్కువగా ఇంపార్టెన్స్ ఇస్తున్నట్లు తెలుస్తోంది. 2014 ఎన్నికల సమయంలో బీజేపీ కోసం పనిచేసిన ప్రశాంత్ కిషోర్ కి కాంగ్రెస్ గతంలోనే ఆఫర్ ఇచ్చింది. అయినా ఆయన తిరస్కరించారు, కానీ బీజేపీతో విభేదాలు రావడంతో దాన్ని గద్దె దించడమే లక్ష్యంగా పెట్టుకున్న ప్రశాంత్ కాంగ్రెస్ పార్టీ ప్రధాని అభ్యర్థిగా రాహుల్ ఉంటే చాలని తాను గెలిపిస్తానని మాట ఇచ్చాడట. అందుకే చాలా మంది సీనియర్లను పక్కన పెట్టి మరి రాహుల్ ఈసారి ప్రశాంత్ కిశోర్ ఆధ్వర్యంలో ఎన్నికలకు వెళుతున్నారు.