ఇక డిప్యూటీ చైర్మన్ పదవిలో బీసీ వర్గానికి చెందిన రెడ్డి సుబ్రహ్మణ్యం ఉండేవారు, అందుకే ఈ పదవి కూడా బీసీలకు అప్పగించాలని భావిస్తున్నట్లు ప్రచారం జరుగుతోంది. ఇప్పటికే జంగా కృష్ణమూర్తికి డిప్యూటీ చైర్మన్ గా అవకాశం ఇవ్వాలని జగన్ ఫిక్సై నట్లు చెబుతున్నారు. నిజానికి ఆంధ్ర ప్రదేశ్ శాసనమండలిలో ఈ నెల 18వ తేదీన పది మంది ఎమ్మెల్సీలు పదవీ విరమణ చేయనున్నారు. వైసీపీ నుంచి ఉమ్మారెడ్డి సహా 9 మంది సభ్యులు పదవీ విరమణ చేయాల్సి ఉంటుంది. అందులో ఏడుగురు టిడిపి సభ్యులు కాగా బీజేపీకి చెందిన సోము వీర్రాజు కూడా ఉన్నారు. ఇక గవర్నర్ కోటాలో నాలుగు ఖాళీలు కానున్నాయి. 

అందులో తెలుగుదేశం నుంచి ముగ్గురు ఉండగా వైసీపీ నుంచి ఒకరు పదవీ విరమణ చేయాల్సి ఉంటుంది. ఎమ్మెల్యే కోటాలో మూడు స్థానాలు ఖాళీ కానున్నాయి. అలా మొత్తంగా 18 స్థానాలు భర్తీ చేసేందుకు ఇప్పుడు వైసీపీ రంగంలోకి దిగుతుంది. దాదాపు మొత్తం 18 స్థానాలకు గాను 16 స్థానాలు వైసీపీ ఖాతాలోకి వచ్చే అవకాశాలు కనిపిస్తున్నాయి.  దీంతో ఇప్పటి దాకా పెద్దల సభలో టీడీపీ బలం కనపరుస్తూ రాగా ఈ ఎన్నికల తర్వాత వైసీపీకి పూర్తి ఆధిక్యం లభించనుంది.