''గౌరవ ప్రధాని గారు, నేను చాలా బాధపడుతున్నాను, ఇప్పటికే ఢిల్లీ మొత్తంమీద డోర్ టు డోర్ రేషన్ డెలివరీకి సంబంధించి పూర్తి సన్మాహాలు జరిగిపోయాయి. ఇంకా రెండు రోజులు ఉందనగా మీరు ఎందుకు దీనిని నిలిపివేశారు ? మీరు ఎందుకలా చేశారు ? అని ఆయన ప్రశ్నించారు. పిజ్జా, బర్గర్ మొదలు స్మార్ట్ ఫోన్స్, బట్టలు అన్ని ఇళ్లకు డెలివరీ ఇస్తున్నప్పుడు ఈ రేషన్ ఇస్తే తప్పేంటని ప్రశ్నించారు. ప్రస్తుత కాలంలో పరిస్థితి దృశ్య ఢిల్లీ మాత్రమే కాక దేశవ్యాప్తంగా దీనిని అమలు చేయాలని ఆయన కోరారు. 

లేదంటే రేషన్ షాప్స్ సూపర్ స్ప్రెడర్స్ గా మారే అవకాశం ఉందని అన్నారు. ఇక లెఫ్టినెంట్ గవర్నర్ (ఎల్జీ) ఆఫీస్ వర్గాల సమాచారం ప్రకారం, ఢిల్లీ ప్రభుత్వం ఇస్తున్నందున" ఈ పథకం యొక్క ప్రతిపాదన తిరస్కరించబడలేదని, ఈ పథకం “పున పరిశీలన కోసమె నిలిపివేయబడిందని పేర్కొన్నారు. ఈ నిలిపివేత నిర్ణయానికి ఎల్జీ రెండు కారణాలను పేర్కొంది, పంపిణీ పద్ధతిని మార్చడానికి ఈ ప్రతిపాదన ప్రయత్నిస్తున్నందున, దీనికి జాతీయ ఆహార భద్రతా చట్టం, 2013 ప్రకారం కేంద్ర ప్రభుత్వ అనుమతి అవసరమని పేర్కొంది. అలాగే ఢిల్లీ ప్రభుత్వ ఈ పంపిణీ పథకాన్ని సవాలు చేస్తూ ఢిల్లీ సర్కారీ రేషన్ డీలర్ సంఘ్ కోర్టులో రిట్ పిటిషన్ దాఖలు చేసిందని పేర్కొంది.