ఇక టీడీపీలోకి వచ్చాక డొక్కా పరిస్తితి బాగానే ఉంది. ఆ పార్టీ తరుపున ఎమ్మెల్సీ పదవి కూడా దక్కింది. అలాగే పార్టీలో గౌరవం కూడా బాగానే ఉండేది. ఈ క్రమంలోనే 2019 ఎన్నికల్లో చంద్రబాబు, డొక్కాకు ప్రత్తిపాడు టిక్కెట్ కూడా ఇచ్చారు. అయితే జగన్ వేవ్‌లో డొక్కా ఘోరంగా ఓడిపోయారు. ఓడిపోయాక టీడీపీలో సైలెంట్ అయ్యారు. అయితే జగన్ మూడు రాజధానుల నిర్ణయం తీసుకోవడాన్ని వ్యతిరేకించారు.

ఆ నిర్ణయానికి వ్యతిరేకంగా ఎమ్మెల్సీ పదవికు కూడా రాజీనామా చేశారు. మరి విచిత్రం ఏంటో తెలియదు గానీ, మూడు రాజధానులకు వ్యతిరేకంగా రాజీనామా చేసిన డొక్కా, చివరికి వైసీపీలో చేరారు. అలాగే మళ్ళీ ఎమ్మెల్సీగా ఎన్నికయ్యారు.

ఇక ఎమ్మెల్సీగా ఎన్నికయ్యాక కూడా సైలెంట్‌గానే ఉన్నారు. గతంలో టీడీపీలో ఉన్నప్పుడు మీడియా సమావేశాల్లో, టీవీ డిబేట్లలో కనిపించేవారు. కానీ ఇప్పుడు ఎక్కడా కనిపించడం లేదు. అయితే ఇలా అధికార పార్టీలో ఉండి కూడా సైలెంట్‌గా ఉంటున్న డొక్కా నెక్స్ట్ ఎన్నికల్లో ఏ నియోజకవర్గం నుంచి బరిలోకి దిగుతారనేది ఆసక్తికరంగా ఉంది. అలాగే జగన్, డొక్కాకు ఛాన్స్ ఇస్తారా? అనేది కూడా చూడాలి.

గతంలో డొక్కా, తాడికొండ నియోజకవర్గం నుంచి రెండుసార్లు ఎమ్మెల్యేగా గెలిచారు. 2004, 2009 ఎన్నికల్లో కాంగ్రెస్ తరుపున విజయం సాధించారు. కాబట్టి తాడికొండపై డొక్కాకు మంచి పట్టు ఉంది. కానీ అక్కడ వైసీపీ ఎమ్మెల్యేగా శ్రీదేవి ఉన్నారు. ఈమె రెండేళ్లలో పలు వివాదాల్లో హైలైట్ అయ్యారు. అసెంబ్లీ జగన్‌కు భజన చేసి కూడా హైలైట్ అయ్యారు. ఇలా భజన చేసిన శ్రీదేవికి కూడా నెక్స్ట్ కూడా తాడికొండ సీటు దక్కుతుందా? లేక జగన్ మనస్సు మార్చుకుని డొక్కాకు ఛాన్స్ ఇస్తారనేది చూడాలి.