అయితే కర్నూలులో వైసీపీ బలం తగ్గించాలని చంద్రబాబు గట్టిగానే ప్రయత్నిస్తున్నారు. అందుకే మొన్న ఆ మధ్య పార్లమెంట్ స్థానాల వారీగా అధ్యక్షులని పెట్టారు. కర్నూలుకు సోమిశెట్టి వెంకటేశ్వర్లు, నంద్యాలకు గౌరు వెంకటరెడ్డిలు అధ్యక్షులుగా ఉన్నారు. వీరు అధ్యక్షులుగా వచ్చి 10 నెలలు దాటేస్తుంది. ఇక ఈ 10 నెలల కాలంలో కర్నూలులో టీడీపీ కొంచెం కూడా బలపడలేదు.

ఇటీవల పంచాయితీ, మున్సిపల్, కార్పొరేషన్ ఎన్నికల్లో టీడీపీ ఘోరంగా ఓడింది. పైగా జిల్లా మొత్తం వైసీపీ ఎమ్మెల్యేలే ఉండటంతో టీడీపీ బలపడటానికి ఛాన్స్ రావడం లేదు. దానికితోడు చాలా నియోజకవర్గాల్లో టీడీపీ నాయకులు యాక్టివ్‌గా లేరు. అలాగే జిల్లాలో ఉన్న కోట్ల, కే‌ఈ ఫ్యామిలీ సైతం పార్టీలో కనిపించడం లేదు. ఏదో భూమా అఖిలప్రియ, బీసీ జనార్ధన్ రెడ్డి లాంటి వారు, కాస్త పార్టీలో దూకుడుగా ఉంటున్నారు. మిగిలిన వారు అడ్రెస్ లేరు.

మాజీ ఎమ్మెల్యేలు నాగిరెడ్డి, భూమా బ్రహ్మానందరెడ్డి, బుడ్డా రాజశేఖర్ రెడ్డి, గౌరు చరితా రెడ్డి, జయనాగేశ్వర్ రెడ్డి, మీనాక్షి నాయుడులాంటి వారు పార్టీ కోసం గట్టిగా కష్టపడుతున్నట్లు లేరు. అటు కే‌ఈ కృష్ణమూర్తి ఫ్యామిలీ అడ్రెస్ లేదు. సూర్యప్రకాశ్ రెడ్డి-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '>కోట్ల సూర్యప్రకాశ్ రెడ్డి సైతం సైలెంట్‌గానే ఉంటున్నారు. దీంతో అధ్యక్షులుగా ఉన్న సోమిశెట్టి, గౌరు వెంకట్ రెడ్డిలు కూడా పెద్దగా పనిచేయడం లేదు. ఫలితంగా కర్నూలులో టీడీపీ సెట్ కావడం లేదు.