ఆకు చాటు పిందె తడిసే, కొమ్మ చాటు పువ్వు తడిసే గూడు చాటు గువ్వ తడిసే, గుండె మాటు గుట్టు తడిసే అంటే పురుషుడు సౌందర్యాన్ని గురించి ఆలోచించడం, స్త్రీ భావావేశాన్ని గురించి ఆలోచించడం రివాజు అందుకేనేమో పల్లవిలో హీరో ఆ వనపరిసరంలోని పిందెలతో, పూవులతో అమ్మాయిని పోలుస్తుంటే, అమ్మాయి తన మనసులో గుట్టుగా ఉన్న భావాలను గురించి చెబుతున్నట్టు అనిపిస్తుంది.

 ముద్దిచ్చి ఓ చినుకు ముత్యమై పోతుంటే చిగురాకు పాదాల సిరిమువ్వలౌతుంటే ఓ చినుకు నిను తాకి తడి ఆరి పోతుంటే ఓ చినుకు నీ మెడ లాగా నవ్వుతుంటే అంటూ సాగే ఈ చరణంలో చినుకును ఊతగా పట్టుకుని అమ్మాయిని వర్ణిస్తున్నారు. ఒక చినుకు అమ్మాయిని తాకి ఆ మెరుపు పూసుకుని ముత్యంలాగా మెరిసిపోతోందని అంటూ వర్ణించారు. అలా అప్పట్లో ఈ పాట అటు మాస్ ఆడియన్స్ కే కాక క్లాస్ ఆడియన్స్ కి కూడా బాగా నచ్చేసింది. ఇప్పటికీ వాన పాటలు అనగానే ఈ పాట కచ్చితంగా గుర్తు వస్తుంది.