హైదరాబాద్ లోని కేర్ ఆస్పత్రిలో ప్రస్తుతం చికిత్స పొందుతున్న వైద్యుడు భాస్కరరావు ఊపిరితిత్తులను మార్చేందుకు కోటిన్నర వరకు ఖర్చు అవుతుందని అంటున్నారు. అయితే అంత ఆర్థిక స్థోమత లేక మంత్రి బాలినేనిని వైద్యుడి కుటుంబ సభ్యులు ఆశ్రయించారు. అప్పటికే వివిధ మాద్యమాల్లో వైద్యుడి పరిస్థితిపై వచ్చిన కధనాలను చూసి స్పందించిన మంత్రి బాలినేని, సమస్యను సీఎం జగన్ దృష్టికి తీసుకువెళ్లి వైద్యానికి కోటి రూపాయలు విడుదల చేయించినట్టు సమాచారం. ఇవి కాక అవసరం అయితే మరో 50 లక్షల వరకు ప్రభుత్వమే భరిస్తుందని హామీ ఇచ్చినట్లు చెబుతున్నారు.