ఇక కోవిడ్ -19 కి ముందు రోజుకు 615 టన్నుల బయోమెడికల్ వ్యర్థాలు ఉత్పత్తి అయ్యేవని కాలుష్య నియంత్రణ బోర్డు డేటాలో ఉంది. ఇక ఈ మహమ్మారి కారణంగా బయో మెడికల్ వ్యర్థాల ఉత్పత్తిలో ఇది దాదాపు 17% పెరుగుదల అని పేర్కొంది. ఇది సంక్షోభ పరిస్థితి కనుక, మేము ప్లాస్టిక్ నివారణ గురించి ఆలోచించడం లేదని పేర్కొంది. ఫేస్ మాస్క్‌లు, పిపిఇ కిట్లు వంటి బయోమెడికల్ వ్యర్థాలు సాధారణ గృహాల నుండి కూడా ఉత్పత్తి అవుతున్నాయని, ఇది కూడా ఈ సమస్యకు గణనీయంగా దోహదం చేస్తోందని చెబుతున్నారు.

 కోవిడ్-సంబంధిత వైద్య వ్యర్థాలు కాకుండా, ప్లాస్టిక్ వ్యర్థాలు కూడా భారీగా వస్తున్నాయని, ప్రజలు ఇంటి నుంచే డెలివరీ సేవలను అవసరమైన మరియు అవసరం లేని షాపింగ్ కోసం మునుపటి కంటే ఎక్కువగా ఉపయోగిస్తున్నారని తేలింది. అదీ కాక కోవిడ్-వ్యర్థాలను పారవేసే విధానం లేకపోవడం కూడా ఈ సమస్యకు ప్రధాన కారణం అని చెబుతున్నారు. సీపీసీబీ ప్రస్తుత నిబంధనల ప్రకారం, బయోమెడికల్ వ్యర్థాలని నాలుగు వర్గాలుగా విభజించారు. మొత్తం మీద ఈ 17 % శాతం పెరుగదల టెన్షన్ పెడుతోంది అని మాత్రం చెప్పక తప్పదు.