అసలు ఈ ఇద్దరు 2014లో వైసీపీ తరుపున ఎమ్మెల్యేలుగా గెలిచారు. గిడ్డి ఈశ్వరి విశాఖ జిల్లా పాడేరు నియోజకవర్గం నుంచి గెలిస్తే, రాజేశ్వరి తూర్పు గోదావరి రంపచోడవరం నుంచి గెలిచారు. అయితే అప్పుడు వైసీపీ ప్రతిపక్షంలో ఉంది. కానీ ఉన్నన్ని రోజులు జగన్‌కు అండగా నిలబడిన ఈ నేతలు, చంద్రబాబు ఆపరేషన్ ఆకర్ష్‌లో భాగంగా టీడీపీలో చేరిపోయారు. అసలు ఒకానొక దశలో గిడ్డి ఈశ్వరి, చంద్రబాబుపై తీవ్ర విమర్శలు సైతం చేశారు. అయితే రాజకీయాలు ఎప్పుడు ఒకేలా ఉండవుగా, అందుకే తర్వాత ఈశ్వరి టీడీపీలోకి రాగలగలిగారు.

టీడీపీలోకి వచ్చాక అధికారం దక్కింది. దీంతో అధికారం ఉన్నన్ని రోజులు ఈ ఇద్దరు మహిళా నేతలకు ఎలాంటి ఇబ్బంది లేకుండా పోయింది. కానీ 2019 ఎన్నికల్లో మాత్రం సీన్ రివర్స్ అయింది. ఈ ఇద్దరు టీడీపీ నుంచి పోటీ చేసి ఘోరంగా ఓడిపోయారు.

ఇక ఓడిపోయాక ఈ ఇద్దరు టీడీపీలో పెద్దగా కనిపించడం లేదు. దీంతో రెండు నియోజకవర్గాల్లో టీడీపీ పరిస్తితి మరీ ఘోరంగా ఉంది. ఒకవేళ ఈ ఇద్దరు మళ్ళీ టీడీపీ తరుపున నిలబడిన కూడా గెలుపు కష్టమే అని అర్ధమవుతుంది. ఎందుకంటే ఏజెన్సీ ప్రాంతాలుగా ఉన్న పాడేరు, రంపచోడవరం నియోజకవర్గాల్లో ప్రజలు వైసీపీకి ఎక్కువ మద్ధతు ఇస్తున్నారు. అందుకే ఈ రెండుచోట్ల టీడీపీకి భవిష్యత్ కనిపించడం లేదు.