హనుమంతుడి జన్మపై తెలుగులో ఎందుకు బుక్ ప్రింట్ చేస్తారా? ఇంగ్లీష్ లో చేస్తే టీటీడీ గుట్టు అందరికి తెలిసిపోతుంది అనా అని ఆయన ప్రశ్నించారు. రాత్రికి రాత్రి కల గన్నారా ? టీటీడీ అహంకారాన్ని వదలాలని ఆయన అన్నారు. తప్పును ఒప్పుకుంటే పరువు పోతుంది అని తప్పుల పైన తప్పులు చేస్తున్నారని ఆయన విమర్సించారు. దేశ వ్యాప్తంగా చైత్ర మాసంలో అంటే మార్చిలో చేస్తారని టీటీడీ సత్యాన్ని చెప్పకుండా, తప్పుదారి పట్టిస్తోంది. అబద్ధాల పైన అబద్దాలు చెబుతున్నారని అన్నారు.  జపాలి తీర్థంలో హనుమంతుడు పుట్టాడు అన్నారు. ఇప్పుడు ఆకాశగంగా అంటున్నారు, ఇలా క్షణానికి ఒక మాట టీటీడీ చెప్పటం తగదని అన్నారు. 

శంకర, మద్వ, రామానుజ పెద్దలను టీటీడీ వెంటనే సంప్రదించాలన్న ఆయన నేను అంగీకరించినట్టు  ప్రచారం చేశారని ఆయన అన్నారు. విశాఖ శారదా పీఠం డూప్లికేట్ పీఠం, శంకరాచార్యులు పెట్టిన శృంగేరి, బద్రి, పూరి, ద్వారక ఈ నాలుగుపీఠాలు, కంచి పీఠం మాత్రమే శంకర పీఠాలని ఆయన అన్నారు. ఉత్తర భారతంలో ఇలాంటి డూప్లికేట్ మాటలు చెపితే వదలరు. తరుముకుంటారని ఆయన అన్నారు. సీఎం మద్దతు ఉంటే శంకర్ పీఠం అవుతుందా? జగన్ లాంటి వ్యక్తిని మారు వేషంలో తీసుకు వస్తే సీఎం పోస్ట్ ఇచ్చేస్తారా? అని రాస్నించారు. సన్యాసులు రాజనీతిలో రాకూడదని ఆయన కామెంట్ చేశారు.