ఏకంగా 16 భాషల్లో పాటలు పాడారు బాల సుబ్రహ్మణ్యం. అయితే తన జీవితంలో చివరి కోరిక ఏమిటనేది ఆయన ఒక ఇంటర్వ్యూలో పంచుకున్నారు. తన జీవితం వింతైనదని పేర్కొన ఆయన మొదట్లో నాకు సంగీతంపై ఆసక్తి లేదని ఇంజనీర్ కావాలని కలలు కని చివరికి గాయకుడిని అయ్యానని అన్నారు. సింగర్‌గా ఎలాంటి నిబంధనలు పెట్టుకోలేదన్న ఆయన సుమారు 20ఏళ్ల పాటు సిగరెట్లు తాగానన్న ఆయన 40 ఏళ్ల కెరీర్ లో రోజుకు 10 గంటలు పాటలు పాడానని అన్నారు. అయితే నేను అందరికీ గాత్రం మార్చి పాడలేదు. 

అల్లురామలింగయ్యకు, రాజబాబుకు వారివారి గాత్రాలకు దగ్గరగా పాడానని, కేవలం ఎన్టీయార్‌, ఏఎన్నార్‌లకు మాత్రమే గాత్రం మార్చి పాడేవాడినని అన్నారు. తనకున్న పేరు ప్రతిష్టలు వల్ల నా కొడుకు కెరీర్ సక్రమంగా కొనసాగలేదని చరణ్‌ను అందరూ తనతో పోల్చి చూడటం వల్ల వాడికి చాలా నష్టం జరిగిందని చెప్పుకొచ్చారు. మరణించే వరకు పాడుతూనే ఉండాలని చావు నా దగ్గరికి వచ్చినట్టు తెలియకుండా నేను కన్ను మూయాలి అని అదే తన చివరి కోరిక’ అంటూ బాలు తన మనసులో మాట సదరు ఇంటర్వ్యూలో పేర్కొన్నారు. కానీ ఆయన కోరిక తీరకుండానే కన్నుమూశారు.