ఈ క్రమంలోనే పశ్చిమ గోదావరి జిల్లాలో కూడా టీడీపీ పరిస్తితి మెరుగు అవ్వలేదు. 2014 ఎన్నికల్లో ఈ జిల్లాలో టీడీపీ క్లీన్‌స్వీప్ చేసింది. బీజేపీతో పొత్తులో పోటీ చేసి, జిల్లాలోని అన్నీ సీట్లని కైవసం చేసుకుంది. కానీ 2019 ఎన్నికలోచ్చేసరికి పరిస్తితి మారిపోయింది. జిల్లాలో వైసీపీ హవా నడిచింది. జిల్లాలో ఉన్న 15 సీట్లలో వైసీపీ 13 గెలిస్తే, టీడీపీ రెండు గెలుచుకుంది. రెండు ఎంపీ సీట్లు కూడా వైసీపీ ఖాతాలోనే పడ్డాయి.

ఇక ఓడిపోయాక చంద్రబాబు పార్లమెంట్ స్థానాల వారీగా అధ్యక్షులని నియమించారు. ఏలూరు పార్లమెంట్ స్థానానికి గన్నీ వీరాంజనేయులని, నరసాపురం స్థానానికి తోట సీతామహాలక్ష్మీని అధ్యక్షులుగా నియమించారు. అయితే ఈ రెండు పార్లమెంట్ స్థానాల పరిధిలో ఉన్న అసెంబ్లీ నియోజకవర్గాల్లో టీడీపీ బలపడింది లేదు. పాలకొల్లు, ఉండి నియోజకవర్గాల్లో టీడీపీ ఎమ్మెల్యేలు ఉన్నారు కాబట్టి, ఆ రెండు స్థానాల్లో పార్టీ పరిస్తితి బాగానే ఉంది.

అయితే ఏలూరుతో పోలిస్తే నరసాపురంలో టీడీపీకి పరిస్తితి కొంచెం పర్లేదు. కానీ ఏలూరు పార్లమెంట్ పరిధిలో టీడీపీ ఏ మాత్రం పుంజుకోలేదు. ఇటీవల జరిగిన పంచాయితీ, మున్సిపల్ ఎన్నికల్లో వైసీపీ వన్‌సైడ్ విజయాలు సాధించింది. మొత్తానికైతే పశ్చిమ గోదావరిలో సైకిల్ స్పీడ్ పెరిగినట్లు కనిపించడం లేదు.