ఇక దేవిశ్రీ ప్రసాద్ చాలా మంది హీరోలకి సంగీతం అందించినా సరే ప్రభాస్ కాంబినేషన్ మాత్రం సూపర్ హిట్ అని చెప్పక తప్పదు. చేసింది నాలుగు సినిమాలే అయినా నాలుగు సినిమాలు మ్యూజిక్ విషయంలో సూపర్ హిట్ గా నిలిచాయి. ఈ నాలుగు సినిమాల పాటలు ఇప్పటికీ ఎక్కడో ఒక చోట వినిపిస్తూనే ఉంటాయి. మెలోడీ సాంగ్స్ మాత్రమే కాక మాస్ మసాలా సాంగ్స్ కూడా దేవి శ్రీ ప్రసాద్ అందించారు. వీరిద్దరూ కలిసి వర్షం, పౌర్ణమి, మిస్టర్ పర్ఫెక్ట్ మరియు మిర్చి సినిమాల కోసం పని చేశారు.. 

 

వర్షం 

వర్షం సినిమాలో ఏడు పాటలు అందించగా ఏడు పాటలు దాదాపుగా సూపర్ హిట్ అయ్యాయి.. నువ్వొస్తానంటే నేనొద్దంటానా, మెల్లగా కరగని, లంగా వోని, ఝూలే ఝూలే, కోపమా నాపైన, నీటి ముల్లై, నచ్చావే నైజాం పోరి ఇలా దాదాపు ఏడు పాటలు సూపర్ హిట్ అయ్యాయి.

 

పౌర్ణమి

ఇక ఆ తర్వాత ఇద్దరి కాంబినేషన్ లో తెరకెక్కిన సినిమా పౌర్ణమి. ప్రభుదేవా దర్శకత్వంలో ప్రభాస్ హీరోగా తెరకెక్కిన ఈ సినిమా మ్యూజికల్ గా సూపర్ హిట్ అయింది.. మువ్వలా నవ్వకలా, పల్లకివై, ఎవరో రావాలి, ఇచ్చి పుచ్చుకుంటే, భారత వేదముగా అనే సాంగ్స్ బాగా ప్రాచుర్యం పొందాయి.

 

 మిస్టర్ పర్ఫెక్ట్

ఇక వీరిద్దరి మూడో సినిమాగా మిస్టర్ పర్ఫెక్ట్ సినిమా రిలీజ్ అయింది. ఈ సినిమాలో దాదాపు తొమ్మిది పాటలు ఉండగా తొమ్మిది పాటలు సూపర్ హిట్ గా నిలిచాయి. లవ్ స్టోరీగా తెరకెక్కిన ఈ సినిమాలోని ప్రేమ గీతాలను ఇప్పటికీ ప్రేమికులు వింటూనే ఉంటారు.

 

మిర్చి

ఇక వీరిద్దరి కాంబినేషన్ లో తెరకెక్కిన నాలుగో సినిమా మిర్చి. ఈ సినిమాలో దాదాపు ఎనిమిది పాటలు ఉండగా అన్ని పాటలు సూపర్ హిట్ గా నిలిచాయి. టాలీవుడ్ మొత్తం మీద వీరిద్దరి కాంబినేషన్ ఒక సూపర్ హిట్ కాంబినేషన్ అని చెప్పవచ్చు.