ఇక ఎన్నికలై రెండేళ్ళు అయిపోయింది. ఓ వైపు అధికారంలో ఉన్న వైసీపీ దూసుకుపోతుంది. కానీ ప్రతిపక్షంలో ఉన్న టీడీపీ ఇంకా పుంజుకున్నట్లు కనిపించలేదు. ఇటీవల జరిగిన పంచాయితీ, మున్సిపల్ ఎన్నికల్లో జిల్లాలో టీడీపీకి అనుకూల ఫలితాలు రాలేదు. ఎక్కువ పంచాయితీలు వైసీపీనే గెలిచింది. అటు మున్సిపాలిటీల్లో సత్తా చాటింది. టీడీపీ కేవలం తాడిపత్రికే పరిమితమైంది.

ఈ ఫలితాలని బట్టి చూస్తే అనంతలో టీడీపీ పరిస్తితి అంత మెరుగ్గా లేదని అర్ధమవుతుంది. కాకపోతే పార్టీని బలోపేతం చేసేందుకు నాయకులు మాత్రం కష్టపడుతున్నట్లే కనిపిస్తోంది. మిగిలిన జిల్లాలతో పోలిస్తే అనంతలో టీడీపీ నాయకులు బాగానే కష్టపడుతున్నారు. కానీ వైసీపీ అధికారంలో ఉండటంతో లోకల్ బాడీ ఎన్నిక్ల ఫలితాలు ఆ పార్టీకి అనుకూలంగా ఉన్నాయి. జిల్లాలో అనంతపురం పార్లమెంట్ అధ్యక్షుడుగా ఉన్న కాల్వ శ్రీనివాసులు, హిందూపురం పార్లమెంట్ అధ్యక్షుడుగా ఉన్న బి‌కే పార్థసారథిలు పార్టీ తరుపున గట్టిగానే కష్టపడుతున్నారు.

తాడిపత్రిలో జేసీ ఫ్యామిలీ యాక్టివ్‌గానే ఉంది. మొన్న మున్సిపాలిటీలో సత్తా చాటింది. అటు శింగనమలలో బండారు శ్రావణి పార్టీని బలోపేతం చేయడానికి కృషి చేస్తున్నారు. అనంతపురం అర్బన్‌లో ప్రభాకర్, రాయదుర్గంలో కాల్వ శ్రీనివాసులు పార్టీ తరుపున వర్క్ చేస్తున్నారు. హిందూపురం ఎమ్మెల్యే బాలకృష్ణ, ఉరవకొండ ఎమ్మెల్యే పయ్యావుల కేశవ్‌లు కాస్త దూకుడు తగ్గించారు.

కదిరిలో కందికుంట వెంకటప్రసాద్, పెనుగొండలో పార్థసారథి, రాప్తాడు, ధర్మవరం బాధ్యతలు పరిటాల ఫ్యామిలీ చూసుకుంటుంది. ఇలా జిల్లాలోని మెజారిటీ నియోజకవర్గాల్లో టీడీపీ నాయకులు యాక్టివ్‌గానే పనిచేస్తున్నారు. మూడు, నాలుగు చోట్ల తప్ప, మిగతా చోట్ల నాయకులు పార్టీని బలోపేతం చేసి, వైసీపీ హవా తగ్గించేందుకు కృషి చేస్తున్నారు.