అయితే టీడీపీలో ప్రాధాన్యత లేదని చెప్పి వైసీపీలోకి వెళ్ళి 2014లో నగరి నుంచి పోటీ చేసి గాలి ముద్దుకృష్ణమనాయుడుపై గెలిచారు. కేవలం 900 ఓట్ల తేడాతో గెలిచి రోజా తొలిసారి ఎమ్మెల్యే అయ్యారు. ఇక అప్పుడు వైసీపీ ప్రతిపక్షానికే పరిమితమైన సమర్ధవంతంగా పనిచేసుకుంటూ వచ్చారు. 2019 ఎన్నికలోచ్చేసరికి సీన్ మారింది. మధ్యలో గాలి ముద్దుకృష్ణమనాయుడు అనారోగ్యంతో మృతి చెందడంతో నగరి టీడీపీ టిక్కెట్ ఆయన వారసుడు గాలి భాను ప్రకాశ్‌కు దక్కింది.

ఇక ఎన్నికల్లో రోజా మరొకసారి నగరి నుంచి గెలిచారు. 2700 ఓట్ల తేడాతో భానుపై గెలిచారు. రెండోసారి ఎమ్మెల్యేగా గెలిచిన రోజా దూసుకెళుతున్నారు. పైగా అధికారంలో ఉండటంతో రోజాకు తిరుగులేకుండాపోయింది. ప్రభుత్వ పథకాలు బాగా ప్లస్ అవుతున్నాయి. అటు నియోజకవర్గాల ప్రజల సమస్యలు తీర్చడానికి రోజా కృషి చేస్తున్నారు. అయితే సొంత పార్టీలో వేరే వర్గం రోజాకు చెక్ పెట్టేందుకు ప్రయత్నిస్తున్నట్లు తెలుస్తోంది. అయినా సరే రోజా ఏ మాత్రం వెనక్కి తగ్గకుండా పనిచేస్తున్నారు.

ఇక టీడీపీ వైపు భాను అంత దూకుడుగా పనిచేయడం లేదు. ఓడిపోయాక నియోజకవర్గంలో పార్టీని బలోపేతం చేసే కార్యక్రమాలు పెద్దగా చేయలేదు. అటు తన కుటుంబమే భాను ఎదుగుదలకు బ్రేక్ వేస్తుంది. ఈ పరిస్తితుల్లో నగరిలో టీడీపీ పుంజుకోలేకపోయింది. భాను కూడా నాయకుడుగా సెట్ కాలేకపోయారు. ఇక వచ్చే ఎన్నికల సమయంలో భాను దూకుడుగా ఉండొచ్చు. ఎంత దూకుడుగా ఉన్న రోజా ముందు భాను తేలిపోయేలా ఉన్నారు. మరి చూడాలి నెక్స్ట్ ఎన్నికల్లో రాజకీయం ఎలా ఉంటుందో?