ఇతర రాష్ట్రాల నుండే కాకుండా ప్రాంతాల నుండి కూడా తమ గ్రామానికి జనాలు మందుకోసం వచ్చినపుడు తమ గ్రామంలోని వారికి కరోనా వైరస్ సోకుంటుందని ఇపుడు గ్రామస్తులు మండిపోతున్నారు. రెండువారాల క్రితం వరకు తామంతా క్షేమంగానే ఉన్నామని బయట ప్రాంతాల వాళ్ళవల్లే ఇపుడు తమ గ్రామంలోకి కరోనా వైరస్ ప్రవేశించిందంటు తెగ బాధపడిపోతున్నారు. ఆనందయ్య చుక్కల మందును తీసుకోవాలని వచ్చిన బయటవాళ్ళు మొత్తం గ్రామమంతా తిరిగేయటం వల్లే తమకు ఇబ్బందులు మొదలయ్యాయంటు గ్రామస్తులు ఆరోపిస్తున్నారు. తమ గ్రామంలొకి వచ్చే వాళ్ళల్లో కొందరు కరోనా వైరస్ తో రావటం వల్లే అది తమకు అంటుకుందని ఇపుడు గ్రామస్తులు లబోదిబో మంటున్నారు.  మొత్తానికి కరోనా వైరస్ మందుకోసం వచ్చిన వాళ్ళే గ్రామానికి కరోనా అంటించేసినట్లుంది.