ఇక అందుకే ఖైదీలను వివిధ జైళ్లకు తరలిస్తున్నామని పేర్కొన్న ఆయన ఇవాళ మొత్తం 119 మంది ఖైదీలను తరలిస్తున్నామని అన్నారు. ఇక వారిలో 80 మంది పురుషులు, 39మంది మహిళా ఖైదీలు ఉన్నారని అన్నారు. వారందరినీ వివిధ జైళ్లకు తరలిస్తున్నామని అన్నారు. వరంగల్ సెంట్రల్ జైల్ కు చాలా పెద్ద చరిత్ర ఉందన్న ఆయన ఇక్కడ అనేక వస్తువులు, చేనేత వస్త్రాలు ఉత్పత్తి అవుతాయని అన్నారు. ఆ పరికరాలన్నీ వేరే జైళ్ళలోకి తరలిస్తామని అన్నారు. త్వరలో వరంగల్ సెంట్రల్ జైల్ ను వేరొకచోట మోడ్రన్ జైల్ గా నిర్మాణం చేపడతారని ఆయన అన్నారు. 

15 రోజుల్లోగా ఖైదీల తరలింపు పూర్తి చేస్తామని పేర్కొన్న ఆయన ప్రస్తుతం ఇక్కడ విధులు నిర్వహిస్తున్న సిబ్బందికి వారు కోరిన చోటికి బదిలీ చేస్తామని అన్నారు. రిమాండ్ ఖైదీలను తరలించాలంటే కోర్టు అనుమతి కావాలన్న ఆయన వారిని దగ్గర ఉన్న జైళ్లలోకి తరలిస్తామని అన్నారు. కొత్త జైల్ నిర్మాణం కోసం భూ సేకరణ జరుగుతుందని, రెండేళ్ల లోగా ఆధునిక టెక్నాలజీతో కొత్త జైల్ నిర్మాణం చేపడతామని అన్నారు. ఇక త్వరలోనే ఎంజీఎం మల్టీ స్పెషాలిటీ ఆస్పత్రి & సెంట్రల్ జైల్ నిర్మాణానికి సీఎం చేతుల మీదుగా శంకుస్థాపన జరుగుతుందని ఆయన అన్నారు.