అయితే జగన్ మాత్రం తమ పార్టీలోకి వచ్చేవారు పదవులకు రాజీనామా చేసి రావాల్సిందే అని రూల్ పెట్టారు. ఆ రూల్ ప్రకారమే పలువురు పదవులు వదిలి వైసీపీలోకి వచ్చారు. ఇక 2019లో జగన్ అధికారంలోకి వచ్చాక పలువురు టీడీపీ ఎమ్మెల్యేలు, ఎమ్మెల్సీలు పదవులకు రాజీనామా చేయాల్సి వస్తుందనే ఉద్దేశంతో సైలెంట్ అయ్యారు. కానీ గన్నవరం నుంచి గెలిచిన వల్లభనేని వంశీ టీడీపీకి రాజీనామా చేసి, అధికారికంగా వైసీపీ కండువా కప్పుకోకుండా జగన్‌కు మద్ధతు తెలిపారు.

అంటే వంశీ టీడీపీలో లేరు కానీ, అనధికారికంగా వైసీపీ ఎమ్మెల్యేగా ఉన్నారు. దీంతో పదవికి రాజీనామా చేయాల్సిన అవసరం రాలేదు. వంశీ బాటలోనే చీరాల ఎమ్మెల్యే కరణం బలరాం, గుంటూరు వెస్ట్ ఎమ్మెల్యే మద్దాలి గిరి, విశాఖ సౌత్ ఎమ్మెల్యే వాసుపల్లి గణేశ్‌లు టీడీపీని వీడి వైసీపీ ప్రభుత్వానికి మద్ధతు తెలిపారు. అయితే ఈ నలుగురు ఎమ్మెల్యేలు అధికారికంగా వైసీపీ ఎమ్మెల్యేలు ఎప్పుడు అవుతారు అనే విషయంపై క్లారిటీ లేదు. కావాలంటే పదవులకు రాజీనామా చేసి, వైసీపీ తరుపున బరిలో దిగడానికి నలుగురు సిద్ధంగా ఉన్నట్లే తెలుస్తోంది.

పైగా రాష్ట్రంలో జగన్ వేవ్ బాగా ఉంది. దీంతో వారి గెలుపుకు ఎలాంటి ఢోకా ఉండదని అర్ధమవుతుంది. మరి వారి రాజీనామాల విషయంలో జగన్ ఎలాంటి నిర్ణయం తీసుకుంటారనేది ఆసక్తికరంగా మారింది. ప్రస్తుతం కరోనా సమయం కావడంతో ఎన్నికలు ఇప్పటిలో పెట్టే పరిస్తితి లేదు. అయితే భవిష్యత్‌లో ఇంకా టీడీపీ ఎమ్మెల్యేలు వైసీపీ వైపు వస్తే, అందరితో ఒక్కసారే రాజీనామా చేయించి జగన్ ఎన్నికలకు వెళ్తారేమో చూడాలి. లేదు అంటే ఇలాగే టీడీపీ రెబల్ ఎమ్మెల్యేలుగా కథ నడిపిస్తారేమో